Hpungtang hpaji ginra景颇科普
“Hpo”ngu dumsa manong sho ai lam
　　Moi shong de Jahkrai ma langai go, la-ing langai ko nga sumgon sa gabai ai, sumgon la-ing gata de hkrat bang mat wa nna Baren hko hkam wa a bo ko hkrat ahkyen mat ai da. Shingrai dai Jahkrai ma go lagon nna hka kau na numri hpun ko latung rong ai hpe mu rai, dai latung hpe sa akrau kau nu ai da. Shaloi Baren shayi go dai gawa a bo machyi ai mai na matu tsi sara tam hkom yang, Hka kau na numri hpun hpe san u ai da. Shaloi numri hpun go tsi sara ngai chye ai, hpot ni sa wa rit, shi grai byin ai, ngai a hkum na shingtai pyi sho kau ya nna ya ngai grai nga pyo mat ni ai, ngu tsun htet ningdat dat nu ai da. Shingrai, numri hpun go dai Jahkrai ma shi a hkum na shingtai pyi krau sho kau ya nna shi grai nga pyo mat ai lam Baren shayi hpe tsun dan dat nu ai rai. & & & & Hpang shani Jahkrai ma dai bai du sa wa yang Baren shayi mung nga nga la sai. Shingrai Baren shayi go shi gawa Baren hkohkam wa bo machyi ai lam tsun dan yang Jahkrai ma go ganing re lam hpe asan sha chye nu ai da. Shingrai, Baren shayi Jahkrai ma hpe tsun ai, Jahkrai ma e, nang wa a bo machyi ai tsi kau ya jang, nang hpa ra yang hpa ya na, ngai hpe ra yang ngai tim nang ko wa mat na ngu tsun sai da. Shaloi, Jahkrai ma go dai shi a sumgon hpe lani mi kachyi kachyi di sa gang gawo sit da ya ya di nu ai da. Shing rai, lani hte lani Baren hkohkam wa go loi hte loi mai mat wa ai lam gasha hpe tsun dan, gasha Baren shayi mung dai lam Jahkrai ma hpe tsun dan dan di u ai da. Sanit ya nga na shani she &Hpo.... &ngu ma hkra gang malo kau ya yang, Baren hkohkam wa mung abo machyi ai asan sha nga mai mat sai majo, Jahkrai ma go Baren shayi hpe mung lu la, Baren hkohkam hko na ja lungseng ni mung lu la rai, grai wa nga pyo mat nu ai da. Dai shani ko nna dumsa ni. &hpo...& ngu dumsa manong sho nna dumsa sa sa re da.
&&QANGLU SIK
ZHVUM DVIRA
ZAIZO LAILI PAQZHI
LOGIDAT PAQZHIHpungtang hpaji ginra景颇科普
TSAHKA HPUN HKAI LADAT
种植李子树技术
　　Hkai wa ai shaloi namhpun hte aga gayau gaput magang, gabye shangang magang rai nhtom, mida laman 30 daram sung ai shara ko gaput bang du jang, tsahka bong hpe ading sha di jum ton nna loi ganga let aga jahpring na, aga gabye shangang ngut ai hpang, loi bum bum di gumlon ton nna hka mai jo sai, dai hpang kungfun(公分) 60 daram re ai hpundung hte shangang da jang rai sai. Shata 5 si de lakying nnan mida laman 50~60 daram galu jang, grau gaba tsom ai lakying 2 madat ton nna gaga lakying gasha ni hpe go gat lajang kau na. Shata 6 daram hta tsahka hpun a tu masa hpe yu nna namhpun jat bang ra sai, namhpun jat bang ai aten hpang hkrat dik htum shata 8 daram hta rai na. Namsi hpun gaba wa magang, aga adik mat nna tsingdu tsingman ni gatrai laja wa ai majo, namsi hpun lawan n gaba hkro ai, shing rai nong e nam shot yi pom ra ai, marang htu shing n rai ahka jo ai hpang mung yi lawan pom ra ai, nam shot yi pom yang go namsi hpun ni hpe n mai chye hkra ai, shot magang ton ai tsingdu tsingman ni hpe tsahka hpun pot hkan htu lup kau, shing n rai lam jahkro nna masom nat kau na, dai n rai yang marang gachyi mi htu jang, lawan dik ai hku nna bai chye tu marong wa nga ai. Namhpun jat bang na lam. Tsahka hpun a tu masa hpe yu nna shaning shagu namhpun jat bang ra ai, namhpun jat bang yang mung ahkying aten hpe yu ra ai, mayu e go namsi di la kau ai hpang hte alap run mat ai hpang wahkyi namhpun galang mi bang na, maku maji rot wa ai ten shing n rai apu pu na shong e galang mi bang na, apu wai mat ai hpang galang mi bang na, dai hpang asi gaba wa ai ten hta galang mi bai bang na. 3 ning sha re tsahka hpun hpe go asi di la kau ai hpang namhpun kungkyin 50 daram bang nna, apu run hkrat mat ai hpang kungkyin 35 daram ram bai bang na. 8 ning du sai tsahka hpun hpe go namsi di la kau ai hpang namhpun kungkyin 125~150 daram bang nna, apu wai mat ai hpang namhpun kungkyin 100 daram bai bang na, apu wai mat ai hpang hte asi gaba wa ai ten hta go tan, lin, gya re namhpun mung loi bang ra ai. Maku maji rot wa ai ten hte apu pu hkyem wa ai shong e namhpun lu jat bang yang go, apu galang ta lu pu nna asi grau si ai. Apu wai mat ai hpang hte asi gaba wa ai ten hta namhpun lu bang jang go asi gaba tsom nna nau n chye yat hkrat ai. Namhpun bang na ladat go grai lo ai, raitim lawu na ladat myu 2 lo lang nga ai, myu mi go namsi hpun pot ko mida laman 50 daram gang nna sung de mida laman 30~ 40, dam de mida laman 20 re ahkong htu shinggrup ton nhtom, aga hte namhpun gayau bang na, dai hpang hka bai jo da na, namsi hpun gaba wa magang hkong mung laning hte laning grau gaba hkra htu ra ai, ndai bo ladat go grai loi ai raitim, aru hkrai chye di kau kau rai nga ai. Myu mi go namsi hpun a tu masa hpe yu nna hka hte dat namhpun pau la nhtom, namsi hpun pot ko jo bang jang rai sai. Hka jo na hte hka mase kau na lam. Tsahka hpun hpe mung laning mi hta hka 3 lang jo ra ai. Nshung lado hkunhkro shalot na matu shata 11 pro de galang mi jo na, dai hpang lup jau poi a shong 20 ya daram hta galang mi jo na, dai ko nna go asi gaba wa ai shaloi galang mi bai jo jang rai sai. Yi-nam lado hta namsi hpun pot ko hka nau ing jang mung lawan wan mase shalui kau ra ai. Tsahka hpun gat lajang na lam. Tsahka hpun hpe mung nong e gat lajang kau ra ai, rai yang kabrang zon di gat lajang kau yang grau hkrak ai, ndai hku gat lajang kau yang go jan atsom lam hkra nna asi grau si ai hta n-ga, gon lajang manu nga ai, ndai bo hkrang pung shabyin na rai jang namsi hpun hkai ai shaloi dingdung dingda maga de shayon nna ayan ayan di hkai na, ayan hte ayan go mida 4, nhpang hte nhpang go mida 1.5 daram gang nna hkai na, shing n rai ayan hte ayan mida 4, nhpang hte nhpang mida 2 daram gang nna hkai tim mai ai.
&&QANGLU SIK
ZHVUM DVIRA
ZAIZO LAILI PAQZHI
LOGIDAT PAQZHIShiga masa景颇新闻
Mungga hko tsun hpung ni masha myit sharot ya nga ai
“五用”宣讲送去精神食粮
　Mani na ta nhtoi 23 ya shani, mungdo pati rapdo mungga hko tsun hpung masha Lu Po ni go Nshon ginwnag Husa ginwang do Hpyinshan mare salang rapdo Sinjai gahtong hta ningdo 18 nambat 6 lang hkumra zuphpong lachyum mungga hko tsun lamang sa galo nna, Husa na shawa masha hte lawu tsang pati masha ganbu ni hte labau masa maram, sharot zinghka lam jom dinglik yu ria ma ai.
Lu Po go madat loi ai aga, nam e byin nga ai mu lam, masdu a mahkrum madup hte la-kap nna, ningdo 18 nambat 6 lang hkumra zuphppong na ja ai tara hte pati gon hkang hkrat wa na ngu ai lachyum mungga hko tsun dan sai. Lu Po tsun ai, pati a ningdo 18 nambat 6 lang hkumra zuphpong lachyum sharin achyin hkan lang hkrat wa na go ya ten hte ya hpang de tsang shagu pati hpongchyom ni a ahkyak ai mung masa lit rai nga ai, shing re majo, pati masha ni atsom sharin achyin hkrat wa ra ai.
Hko tsun ga mandat mara la ai shawa masha ni go, ningdo 18 nambat 6 lang hkumra zuphong lachyum chye na la sai hte maren , sut su bungli galo hkrat wa na myit mung grai lu sharot la sai.
&&QANGLU SIK
ZHVUM DVIRA
ZAIZO LAILI PAQZHI
LOGIDAT PAQZHIHpungtang hpaji ginra景颇科普
Machyi Kumla 8 sinwop ginsa ana rai na maja u
8种迹象可能是肺癌
　　(Ameriga《Ana htang maja kumhpa laika》hta ndai lapran ginsa ana hte seng ai kumla 8 hpe jep shapro ma ai.
　　Dingyang jahkru. Sinwop ginsa ana lo malo ni go jahkru ai kumla rong nna,sai no rong nga ai. Lama jahkru ai shata mi jan rai jang go, ginsa ana rong nrong jep yu ra sai.
　　Gaungui nna byin wa ai ana. Bai machyi chyi re hta n-ga, machyi shagu sinwop hte seng seng rai jang go, sinwop ginsa ana nnan byin wa ai kumla re.
　　Hkum hkrang namnak grit yom wa. Gaga ginsa ana hte maren, sinwop ginsa ana mung jahtum de du jang dihpro namta yom mat wa ai hte rau, hkum namnak mung yom mat wa nga ai.
　　Nrut nra makret machyi. Ameriga Gyaju tsirung ni bum lapau ana jep sumru tsi sara gaba Gyehke.Yagebu myit lu ai: Sinwop ginsa ana gaga de bra wa jang go, nrut nra shing nrai lamyi laman hkan makret machyi wa nga ai. Shingma hte baidang mayan hkan machyi ai go nong e mu ga ai re. (Dai go wuisinsu D gata ai majo re).
　　Du krung hte shabyi bum wa. Lama sinwop bum lapau wa ai nnan do hta go sailam gaba hpe hkra nna, machyi masha ni a du krung hte shabyi ni bum wa, ta lahpum lahkong maga hte sinda ko mung wa-hkye hkra ya nga ai.
　　Grai puba wa. Machyi masha ni pa la nna yup mayu la, gade yup tim puba lam n lu awai la. Hkum shan n -gun n rong mat. Sinwop ginsa ana go hkum na pu sin hte hkum shan hpe wa hkye hkra nga ai, machyi masha ni gahpa, maidang hte lapop ni n-gun n rong mat nna, lahkum hkan na rot wa na n-gun pyi n rong mat nga ai.
　　Gai rong shadang tso wa. Gai rong shadang tso wa nna, machyi kumla gaga ni byin pru wa nga ai. Ga shadon, jit sa mayu la, hpang gara lawan, hkyi chyat chyat, kro matan, kan mase, bo sin rai nga ai.
&&QANGLU SIK
ZHVUM DVIRA
ZAIZO LAILI PAQZHI
LOGIDAT PAQZHI