阿妈，我想同你讲好耐了！
我一直都好想同你讲，唔系闹就可以激励我葛。如果唔系为左理想，我理睬你都傻额。既然你讲到我甘，你要怪就怪你自己啦，系你自己未教育好我葛，关我乜事啊？！成日叫我做哩样做果样，做紧既时候又话我点点，乜乜。。。大佬，你甘叻，不如你自己做翻，唔洗晒你口水啦！
1.学习。我考试唔好，就讲来讲去都系果几句：平时叫你好好甘读书，你睇依家。。。平时就系识挂住玩计算机，唔学习。。。&&&几多分？（比我高）你睇下人地，唉。。。&&&既然距甘叻你未认距做仔咯。&边个话考试差就代表一切伽，就算我考一两分，都唔代表我系智障伽，都唔代表我未学到嘢伽。你点可以甘伽，以貌取人，你地老师冇教过你唔好以貌取人伽，你又唔系未读过书。
2.冲凉。夏天，接近厨房果个厕所一般比较多“小强”，我又比较迟冲凉。甘唯有去你间房既厕所冲啦。我冲倒果廿十几分钟，就系度咿咿哦哦，话我烦住你啊，乜乜啊，扒拉扒拉扒拉扒拉扒拉讲晒一堆hurt我既话：唉，平时冲凉都甘慢哇，考试更系。。。平时做嘢又慢，你系未唔可以快滴既？！成日都慢吞吞，怪唔之得考试既时候甘多题命做啦，唉。。。仲命冲完么，快滴冲，冇吵住我训觉，平时就叫你早滴冲，硬系唔听，个“小强”甘细只哇都怕，啧~唉。。。&&阿姐，我命冲够一个钟都算俾面你啦。我真系唔明，我冲凉既时间快慢，同我既成绩有乜关系咧？！好啊，如果我入去，一到三分钟即出来，你绝对开心到飞起啦！但系，你唔会就算我一分钟，一秒钟就弹出来，你都系会嬲，你都系会觉得我烦住你，烦到你好似想死甘。如果日日都甘额，我仲唔臭气冲天，到果个时候你一定会话：“你成个月命冲凉么，做乜甘臭既？！”我就会答：“你唔俾我冲甘耐哇，我有计么？冲耐滴你就咿咿哦哦，我顶唔顺额。”到时搞到你哑口无言就唔好啦。
妈咪额，我考得差既时候，我既情绪已经好低落葛啦，你知唔知点解啊？！因为我惊你闹我额，你日日甘闹，就算我再坚强，再左耳进右耳出额，我既心灵都系会受到好大既创伤葛。我想要既唔系你既唉声叹气额，系你对我既鼓励额。我以为你甘系为左激励我，所以我就傻到以为哩滴系你对我既鼓励。但系，久而久之，我发现原来唔系葛，我觉得从你既语气，你用既词语，我觉得你对我系完全绝望咯。我都唔知我系未你亲生葛，你甘悲观，会生出我哩个甘乐观既女，好假咯！
平时叫我搞卫生。你要打暑期工，中午冇得休息，我命搞既时候，我真系唔明，你边来既力气闹我咯！其实，你生我出来，系未就为左闹我伽。一得闲，就系我做既事度挑刺，甘得闲，你不如买多几本书翻来睇下额，修养下自己都好啊。你知唔知啊，冇错，你唔知。你既女我额，不知几叻额，你4：30放工，我3：30洗自己既衫兼晾衫，4：00搞净一百几尺既厅，唔搞，我真系好惊俾你闹死兼惊激亲你额，我知你做嘢辛苦所以唔甘激你，阿妹激嬲你既时候，我真系好惊明明唔关我事，你又将我闹埋一份。其实，你闹我既时候，我可以反驳你葛，但系，我每次都选择沉默，因为我尊重你额。
买手机。依家，我滴同学仔好多都用智能机，我真系好羡慕距地额。我都好想要额，但系元，哩个数目对你来讲系大左滴，所以我就稳滴降紧价千零蚊既，我叫你买，你唔肯。我问同学点算，距话问你借钱买住先。。。甘我就翻去同你讲啦，你都系唔肯。你话我甘细用甘贵既手机，我时时刻刻都同自己讲冇同人比，但系，你可唔可以用婉转滴既方法同我讲咧。好，你唔识甘讲，我都唔怪你，话晒你系我阿妈。果镇霖左成晚，甘又系既，家庭情况唔同，有人买得起有人买唔起，好多人都冇手机用啦，洗鬼同人比，我用乜关人地乜事。之后，我又继续求你，甘你都系唔肯，我都冇计伽，唔买未唔买咯，死唔去就得啦！但系咧，你每次讲乜都可以扯到去成绩，学习果度去葛喔。其实，学习，哩家嘢同老师既关系都好大葛，个班主任额，四只眼，又要矮，同你讲嘢果镇，向上望你，系眼向上，唔系成个头向上。果滴眼神啊，好似睇死你甘。睇到距甘既眼神，真系想打锅距葛！但系依家霖翻，我觉得距好唔尊重我，我觉得距既眼神带有蔑视既意思。现实同电视剧，真系好大区别葛，你差既时候，叫你去办公室同你讲：平时上课成日讲野。。。上课唔听课，怪唔之得甘差啦。。。仲有一大堆，但系讲来讲去既意思就系：上课冇讲野，要听课。要努力读书，将来要做国家既栋梁。。。。。。。。&但系就讲到我地心灵受伤咧。电视剧既咧，就叫你加油啊，乜乜啊，全部都系鼓励既话。但系就算系鼓励既话，俾人叫去办公室既压力真系好大葛，就连企起度都出冷汗，我霖系我个人既问题咯！但系依家霖翻，终于都知道，点解会甘了，因为每个老师叫你去办公室都冇善意葛，距地都好自私葛。个班既成绩好滴，距未威水滴咯，讲嘢为大声滴咯，校长未睇好距滴咯，所以咧，就一日几张试卷甘发俾大家做，好似惊做唔死我地甘。
语文老师，仲死。果次，我考得好差，距就行过来同我讲嘢，我唔记得左距同我讲乜。走既时候，我好记得，距用果仲嫌弃既眼神望住我，之后“啧”左一声，摇下头。如果唔系尊重距，我会对距笑？望都唔望下距啦！又超不负责任，讲果滴练习试卷既时候，讲得超快，有滴同学未写完，就话：“我唔离你葛，依家非常时期，唔讲快滴，就冇时间讲葛了，下课先问同学借来抄。好，我们继续下一题。”讲甘快，赶住去投胎么。滴同学额，一落课额，睬你都傻啦，仲点会问同学借来抄额，就连落课既前一分钟，你讲过滴乜额，都唔记得晒啦。到时我地考得差既时候，千其冇同我地讲我地听惯左既嘢。乜责任都丢晒来我地哩度，究竟系边个既问题，你唔自己霖下，尽系识叫我地反思，反乜啊？！反来反去，就系你地想要既答案：唔够努力，上课唔听课，挂住玩计算机。岩唔岩啊？！
英语老师。成日都钟意晒命，好似教过高三既就好威甘。成日话，高三既点点叻，阿婶，我地系初中生来葛。你可唔可以用脑霖下，初中同高中有乜区别咧？！公事同私事未分清就来上课。有嘢激亲距咧，就摞我地哩滴可怜既学生来发泄，我地唔出来讲，你就数落我地，你甘“火”我地边敢额。我霖你应该系更年期，唔怪你。但系甘大只人，都唔识控制自己既情绪，真系不可原谅咯！开心既时候，就成节课呲牙咧嘴，就算系甘又点额，你叫我地出去讲对话额，我地一样唔系好敢伽，因为你教得唔好，我地好多单词都唔识读，我地都要面葛。就算你教左我地读音标额，但系，你只读左一、两次，第二日，就叫班干部，带领我地读，识鬼乜，你以为我地只只都系天才啊，识自学啊，听一、两次就可以倒转来被啊？！就连班干部都唔系好识，我地有滴单词唔识读既时候，你就问我地：“唔识拼音标么？唉。”之后你就尽系教我地唔识果只，你话，哩滴系边个既责任啊？！！！但系都甘耐了，基本上都识既，系基本上额！！
所以话额，滴甘既老师，我既成绩可以好得去边，唯有靠其余既科目来拉高滴分数咯！
童年。我细既时候，同学仔有乜嘢靓既嘢，我就会吵住你买，你一开始就唔系好肯，但系系我既再三请求下，你都系会买俾我。系，果镇既我好容易满足，所以你买左俾我之后我真系好开心。但系，点解阿妹就系你既小公主，而我唔系啊？！时唔时你就同阿妹讲：“你是妈妈的小公主。”系我既记忆里面系冇哩句话葛，系未因为阿妹细既时候白过我，靓过我，所以要好似距甘先可以做公主啊！我细果镇都唔样衰额，就系黑左滴姐。我细果镇，识唱歌，识跳舞，识叫人，又冇阿妹既脾气甘臭。但系仲好，你冇甘同我讲，所以先形成依家哩个我，我似老豆，生得比较黑，同距一样之前廋到成条排骨甘之后慢慢变肥，所以，我都好似老豆甘傻到死。阿妹就惨了，有公主病，边个都唔钟意距了，唔熟距既人就以为距好乖，好静，好怕丑，扮出来既怎么，边个有智能手机，距就同边个聊咯！距变成甘，一半系我既错，另一半系你额，距细细个既时候你就丢低距俾我带，自己去打麻将。因为我锡距，唔甘打距额，我想用西方既方法去教育距额，我惊距会留下阴影额。所以距依家未俾我地宠坏晒咯！我唔懂西方文化额，所以我唔知点教额，依家教已经来唔及葛啦！唯有睇距自己既造化啦！
同你嘈既时候，我会问你：“你究竟了唔了解我伽？！”你停顿左0.0001秒：“梗系了解啦！”你了解？你了解就唔会讲埋晒滴甘既嘢，你明，你就唔会同我嘈。我讲既嘢你永远都听唔入耳葛，甘你讲既我又凭乜要听入去啊？！
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
已投稿到：
以上网友发言只代表其个人观点，不代表新浪网的观点或立场。想同某人讲嘅嘢
闹完你之后~我哋之间嘅关系改变咗好多~起码我哋可以吹水~得闲仲可以出嚟食下饭~但系我好似仲辛苦过以前~每次见到你~我都要扮冇事发生~我哋可以讲笑可以打闹~表面上~我哋可以好似以前咁~但系呢啲全部都係扮出嚟噶~喺背后我会不断同自己讲~我哋冇可能噶~千奇唔好乱谂嘢~内心不断挣扎~但系又控制唔到自己去打电话俾你~约你出嚟~其实每次搵你之前~我自己同自己做咗好多思想工作~同自己讲唔可以再搵你~我哋唔再见面~或者我可以逐渐忘记你~讲同做係两回事~每当呢个时候~我已经帮自己搵好借口去搵你~呢啲係我自己嘅问题~係我自己冇用~唔关你事~
但系~呢啲都係你导致噶~其实你已经做咗好多嘢令我误会~
闹完你之后嘅第一次见面~係你主动搵我噶~当时我觉得好意外~我哋嘅见面原因係一个F好耐冇见~所以一次约出嚟~我会谂~呢啲只係一个借口~你真正想见嘅係我~因为我哋见面嘅前一日~你已经见咗嗰个F~之后我哋一齐食宵夜~你坐喺我隔离~我不断咁同人发短信~你好好奇~想睇我条短信~仲问我係咪发俾男朋友~我冇答到你~因为我唔知点答你~我唔知你个问题係咪喺度试探我~所以我选择沉默~你哋送咗我归家之后再走~到屋你发短信俾我~我同你吹水~不知不觉我训着咗~第朝收到你短信~问我有冇拍拖~我依然选择沉默~
隔咗一段时间都冇再联络~我选择逐渐淡忘你~
某一晚~你突然间打电话俾我~信号唔好~我听唔到你讲嘢~所以我收咗线~你再发番短信话我知你饮醉咗谂起我~如果唔係信号唔好~饮醉嘅你会同我讲咩呢~我同你发短信嘅过程中我不断幻想你会同我讲嘅嘢~最后一条短信你係话~你扼我你根本冇饮醉~
我恨你~每次都係咁~每次我搵你~你冷淡嘅态度可以令到选择放弃~到我可以淡忘你嘅时候~你又突然间出现~讲啲令我误会嘅说话~或者你可以当无所谓~而我~又要陷入痛苦嘅挣扎~
某一日~我哋喺毫无预料之下相遇~我会觉得我哋好有缘~其实我哋大家都有F喺身边~一齐食饭嘅时候~你又睇我啲短信~究竟你想知啲咩啊~想知咩你可以直接问我噶~我一定会老实咁答你噶~就算你问我係咪中意你~我一定会毫不犹豫咁答“係”~相反~如果换转我问你~我一定得唔到你嘅答案~
咁多年嚟我都一直想问呢个问题~F都话我执着~或者执着就係我嘅性格~我唔知“执着”究竟係褒义啊定係贬义~我有时会喜欢自己嘅执着~执着想做好一件事~有时我又会讨厌执着~就好似我执着你嘅答案一样~
我想知~你係咪真係觉得我哋可以做番朋友~同我相处嘅你~我明显feel到你有啲避忌~例如你每次出嚟~你都会搵个F陪你~我谂你唔想单独同我见面~一齐坐~你唔会坐我隔离~究竟你係唔想同我独处定係唔敢啊~
你係咪同我一样~认为我哋已经冇可能番去以前~发生咗嘅嘢就係发生咗~唔可以当冇发生过~如果係咁~就请你唔好再骚扰我啦~我哋唔好再发短信~唔好再倾电话~唔好再见面~咁样你我都可以好过啲~我可以真真正正咁淡忘你~你唔搵我~我一定唔会搵你噶~我唔会犯贱到自动送上门~
最后我要问你一个我一直都唔敢问嘅问题~你有冇曾经中意过我~
以上网友发言只代表其个人观点，不代表新浪网的观点或立场。