听广东人说普通话是什么感觉？
深圳大多数人来自全国各地，
所以普通话在深圳使用率比粤语高。
这就苦了很多在深圳做生意的广东人了~
因为普通话对他们来说，真的系好难懂。
s sh x 傻傻分不清楚
感觉粤语口音非常好玩。
例如这个普通话绕口令：
四是四,十是十，十四是十四，四十是四十。一个广东土著的反应：“。。。。。。。。乜gui嘢”
大学时候，我舍友说：你先死，你死完了我再死。
惊出我一身汗，后来才明白她是茂名口音，想说的是，你先洗，你洗完了我再洗。
还有军训的时候报数“一二三四五六七八九习”
我们数学老师
把 毕达哥拉斯 叫成 毕达go拉稀
c ch q 傻傻分不清楚
（摩托车）
==七鸡气，于是她现在外号叫777
我的在广东的东北朋友讲，他的猫，有一天，抽搐了，带到兽医那里。
兽医说:姐机猫，它馊到了气机！里给它洗脚席，随（三声）忽盐噎，忽盐狼，气机了它！
翻译:这只猫，它受到了刺激！你给它洗澡时，水忽然热忽然凉，刺激了它！
补充一下，猫没死，被老兽医治好了。劲喔！
我对面那个小兄弟一天到晚要记挤七饭。
z zh j 傻傻分不清楚
男票和我说：“我要挤挤鸡叟，与挤鞋脑”
其si我们广东人季几经常黑季几的啦！我们讲的四煲冬瓜啊。
‘这个月工资发了没？’
她读‘这个月公鸡发了没？’
没有姐过四嘚啦=没有这件事
广东人:服务员给我來条“金鱼”
服务员:先生金鱼不能吃的。
杀死我了，(吓死我了)
你知不知道：你鸡不鸡道（布吉岛）
拱你鸡=告诉你让你知道
不要这样子啦：不要姐样“ji”啦
说一下我大学室友，一个深圳妹子
有一次我拿着衣服准备去洗澡，她突然问了我一句 “里去洗脚吗？”
我愣了一下说，“不是啊，我去洗澡。”
过了5分钟后我才反应过来她问的是什么
姐个东撕。（这个东西）
si（三声）胖己（三声）
n l 傻傻分不清楚
刘lǎi
lai 给刘lailai买了榴莲留lai （牛奶奶给刘奶奶买了榴莲牛奶） 让他们试一下，屡试不爽。
柳梨过吕孩几爱桑了梨过蓝孩几 鹅蓝孩几也爱桑了介过吕孩几...介就系镁铝与衰锅滴故系啦
我说：玩男人吧~
然后大伙都惊悚地看着我....
其实我想说的是玩狼人吧&﹏&
阿姨，我要一碗liu
（牛）lan（腩）面
你Li把那La个东西帮我拿La来
"荷兰一游乐设施甩出……"
"河南Nan还是荷兰Lan？"
"中国辣La个荷兰Lan"
-里明天刀我班工屎来一趟！
-你哪位啊...
-哦哪位里听不粗来吗！
r y 傻傻分不清楚
虽盐我不鸡道怎么胃答李，但感觉李很厉害滴样鸡。。
“我不吃肥又的！”
今天好热哦：今天好“ye”啊
第一次用uber打车的时候不太会用，
到地方找不到支付选项，师傅也是不懂怎么搞，鼓捣来鼓捣去也没搞成 师傅说：靓仔啊，一定系里介个“远眷”有闷题啦！
我说：不可能啊，明明这个30块优惠券是可以用的！
师傅又说：不系啦～我削的是里的“远眷”啦，系“骚副特外了”那个远眷，不系你讲的介个眷啦~
东方鸡鸡，我爹爱淫。（东方之珠，我的爱人）
我想吃肉松蛋糕：我想七“yousong”蛋糕
前两天寝室洗澡水龙头坏了，去报修。
大叔：仄似叶随吗？
我：啥？啥是叶随？
说出口的一霎那突然领悟到大叔在说“热水”…
雷猴啊，偶们系东北黑涩会滴，你滴鹅几现在在偶们搜向。
雷猴，我四宗果联通的客胡代biu，恭喜黎的馊鸡后马被偶们选粽曾为恨运后马，黎将有鸡肺获得苹果爱撇的平板电佬和三万九千八的现金大奖...
雷猴啊，老人渣（家）
路见不平一声猴，雷猴，鹅猴，歹家猴
语法与普通话不一样
我对室友说：“给支笔我”
室友说：“你就不能好好说话！？” 。。。。。。。。。。。。。。。。。。。。。。。。。。。。。。。。。。。。。。
原来普通话语序是：“给我一支笔。”
我走先=我先走了
我想去买条蕉
借我一条笔
我去买条肠仔
说话习惯很不一样
‘拷贝数据到u盘’
她读‘拷贝数据到妖盘’
我的许袜=我的说话
你这个人不止肉酸，简直核酸。（核突
我这里好挤啊，你那边teng4过一点啦！
已投稿到：
以上网友发言只代表其个人观点，不代表新浪网的观点或立场。支持本地化，抵制普通话；实现国际化，推广广州话！
Category Archives: 畅谈广州话
今日端午，梗系要讲啲同端午有关嘅嘢啦！最近啲新闻纸、电视，讲嘅多数都系“龙船”——好似要普及 “龙舟文化”噉样，可能系因端午将至嘅缘故。但有啲好重要嘅“龙船知识”就似乎唔多见有人提噉嘞，例如 “泮塘龙船”噉样，我就唔见有咩人会讲下佢，净系见话到处嗰啲龙船有几威有几靓！查实“泮塘龙船”并唔 系啲咩好嘢，而旧年我就遇到过一只。 旧年夏天，小天使重金礼聘我去海南岛寻龙点穴。去到就住喺佢屋企座花园洋房，每日佢都会亲自下厨， 有咩新鲜生果、时令菜蔬都会无限量噉样供应，而且小天使嘅厨艺不俗，几啱我口味。只系佢哋有时落油重手 咗啲，呢样需要改善下！（基本上，小天使系“出得厅堂，入得厨房”、“饮得杯落”嘅８０后典范，有兴趣 结识佢嘅，可以留低时辰八字同本人联系，待本座搿过冇问题，再帮你哋牵线搭桥。）加之海南岛蓝天白云、 绿树婆娑、水清沙幼、鸟语虫鸣、繁星点点……生活都几悠哉游哉嘅！而且呢几年南方都有吉星飞临，所以， 避暑请到海南去！ 有日瞓到午时起身，小天使话今日唔煮饭，原来系中午有人请饮。冇几耐，就有部私家车嚟到门口接我哋 去嘞。宴客嘅地点唔远，就附近。嗰日原来系小天使个同学间屋重建，新居入伙就摆咗几十围嚟高兴下，请啲 亲朋饮宴嚟旺下间新屋。我哋去到嘅时候，只见屋前屋后、楼上楼下都坐满人，个个都开怀畅饮，不亦乐乎。 我哋一行直上二楼，大厅有围已经坐成十个人，全部都系小天使啲旧同学，一见我哋上到嚟，马上就招呼 我哋过去，坐低就开席。嗰啲餸菜唔使讲，当然系丰富啦，咩山珍海味应有尽有，重有啲我未见过嘅地方特色 菜，真系睇见都食指大动啊！ 席间，屋主有个街坊兼同学嘅老婆重有几个月就临盆，知道我识堪舆之术，为求母子平安，就话要请我去 勘察一下，我当然亦都唔会推辞。众人酒足饭饱，就返去攞齐啲嘢，跟个“准爸爸”返屋企嘞。我前前后后、 上上下下、里里外外噉帮佢睇得一清二楚，将啲问题一一罗列出嚟，又画埋图纸教佢补救措施。佢相当高兴， 攞住一封好厚嘅利事嚟送我出门口。 呢个时候，同席小天使另外一个同学行埋嚟，好快噉塞咗封利事仔入我袋：“师傅，帮我睇下间屋啦！” 我有咩所谓呢？横掂得闲，于是就上咗佢架车直奔佢屋企。又系详详细细噉样帮佢画图分析，写低建议，重择 埋时辰日子叫佢搬床移柜。跟住就送我哋返去，临走嗰阵，佢重话晚黑包咗间房要请我饮酒、唱Ｋ，而且重话 有嘢要请教添。 晚黑食过饭，嗰个人果然开车过嚟接我哋，重叫咗几个小天使嘅同学，一齐去到当地最大嘅ＫＴＶ。入到 间房一睇都几大，几个人已经坐喺处唱紧，于是就招呼我哋坐低，叫人攞酒攞果盘上嚟……冇几耐，小天使啲 同学陆续过到嚟，前后起码都有二三十个。只见车我哋嚟嗰个人非常落力噉招呼啲同学，一路嗌加啤酒，一路 叫上果盘，重问我钟意咩小食，相当殷勤！但查实我就唔好饮酒，而且纯粹系陪小天使见下啲同学，凑下热闹 嘅啫，所以都当系“畀面派对”噉应酬下。一班人好耐唔见，自然多嘢倾，而且小天使份人好豪爽，又玩得， 唱歌又唱得两嘴，所以现场气氛相当之好，高潮迭起…… 玩到咁上下，为免被灌酒，我就话要走先，于是就揾人车我同小天使返归。返到嚟，我哋两个坐喺露台， 吹住凉风听虫鸣、数星星倾偈。我就问小天使：“今晚间房埋单都唔嘢少噶噃！咁多人，睇你嗰个同学嘅相， 唔似系啲咁阔佬嘅人喎！实质边个先系老世？”“你以为系晏昼叫你帮佢睇风水嗰个人呀？你错嚹！”“我梗 知唔系佢啦，虽然佢头先表现到好似个老世噉款，重吹水话自己啲生意做到不知有几巴闭，但如果噉都睇唔出 嘅，噉我重使出嚟行嘅？所以先要问清楚你！”“嗰个人好衰咖，你要小心啲！听讲佢以前试过攞咗成班同学 准备搞活动嘅钱嚟做自己啲嘢，后来畀同学发现，要佢交返啲钱出嚟，搞几耐先至攞返啲钱出嚟！所以你唔好 听佢讲嗰啲嘢！”“我又唔会同佢一齐做生意嘅，点会信佢啲嘢？”“今晚埋单嗰个系新屋入伙嗰个同学。” “原来系有人做咗‘泮塘龙船’！” 话说岭南水乡，每年端午时节，除咗包粽食粽之外，“扒龙船”更加系指定嘅传统活动！除咗龙舟竞渡， 显示自己条村啲男人有几精壮之外，佢哋重会撑住只龙船周围咁去，同隔篱附近嗰几条村联络下感情，又斗下 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
旧年讲过“光棍”其实系靠行骗嚟揾食嘅老千，今日就讲下喺广州市萝岗镇一带流传嘅光棍佬遇着冇皮柴 嘅故事。 话说有日，有个光棍佬抱住个仔去街，见到有个人坐喺地下，拎住支树枝喺处计数，口中重念念有词噉： “三得个三，六得个六，六六三十四，六六三十四……点解计来计去都唔啱嘅？”光棍佬见到觉得好奇怪嘞， 就话：“兄台啊，六六系三十六，唔系三十四啊。”嗰个人计咗下，果然计到出嚟，佢就话：“真系多谢大哥 帮手，否则我计到天黑都未必计到出嚟啊！请问兄台贵姓，愿唔愿同我交朋友？”光棍佬话：“小姓钟，就喺 附近住。四海之内皆兄弟，既然兄台愿同小弟交朋结友，梗系求之不得啦。”嗰个人连随话：“钟兄真系爽快 嘞，啱晒我脾性。小人姓‘冇’名‘皮柴’，钟兄不妨叫我‘冇小弟’。今日咁啱识到你呢个朋友，相请不如 偶遇啊，我哋上茶楼坐低慢慢倾啦，我请！” 于是就揾间茶楼坐落，只见冇皮柴不停向光棍佬敬茶，招呼好殷勤，又去攞啲靓点心嚟畀光棍佬个仔食， Ｔ到嗰条僆仔不知几欢喜！跟住冇皮柴又吩咐伙记将最靓嘅酒菜攞上嚟，两个人一路食一路倾，相当之投契， 大有相逢恨晚嘅意思。 等到饮饱食醉嘞，冇皮柴就话：“钟兄既然住喺附近，等阵间我去拜候下令尊翁同埋令寿堂，唔知你欢唔 欢迎呢？”光棍佬话：“舍下好寒酸，如果冇贤弟唔嫌弃，当然欢迎之至！”“好，你喺处等阵，我同贤侄去 买啲礼物同烧酒烧肉，然后返嚟睇数，跟住再到府上啦！”讲完，抱起光棍佬个仔就行咗出去嘞。冇皮柴一便 行重一便同光棍佬个仔开玩笑，显得鬼咁亲热，光棍佬见到噉样，亦都冇阻挠。 冇皮柴嚟到烧腊铺，叫声：“伙记，同我称五斤烧肉、一只烧鹅。”伙记三两下手势就搞掂递畀冇皮柴。 冇皮柴接过之后扮畀钱，点知佢扲来扲去都扲唔到钱出嚟，最后就话：“唉，我呢个人真系太冇记性，连银两 都漏喺茶楼，唔记得攞。噉啦，”佢指住光棍佬个仔就讲：“你坐喺呢处等住我，我去攞银两嚟找数，然后同 你一齐返去。唔该伙记帮手关照一下，弭畀啲细露仔周围乱走，我一阵就返。”讲完拎起烧肉、烧鹅就走嘞。 个伙记见噉，唔好意思话唔得，心谂：你个仔喺处，使惊你走咗去咩！唔通为咗五斤烧肉、一只烧鹅就可以连 仔都唔要呀？于是就由得嗰个冇皮柴走嘞。 再讲返嗰个光棍佬，一个人好逍遥自在噉喺处叹茶。但等咗半日都唔见个冇皮柴返嚟，眼睇住茶楼就准备 要收市嘞，嗰啲伙记行过嚟几次催佢埋单。光棍佬冇计，就畀咗一两六嘅酒钱行落茶楼嘞。 光棍佬一落街就四围咁揾个仔同埋冇皮柴。行过烧腊档，见到自己个仔坐喺处系噉喊，就一手抱起个仔， 想话走嘞。点知畀个伙记一下拦住：“弭行住，埋咗张单先！”光棍佬就问：“埋咩单啊？”伙记指住光棍佬 个仔话嘞：“呢条僆仔个老逗攞咗我哋五斤烧肉同一只烧鹅走，重未曾畀钱。”光棍佬呢个时候至如梦初醒， 知道中咗人哋嘅圈套，唔记得自己嘅“家训”：“光棍佬教仔——便宜莫贪。”只好自叹倒霉，又扲多二两银 出嚟找数嘞——总共系唔见咗三两六钱。 后来啲人就话嘞：“六六三十六，光棍佬换茶饮，佢个仔就换烧肉。” 噉好嘞，讲完呢个“光棍佬遇着冇皮柴”嘅古仔，其实系想呼应下旧年《“光棍节”同岭南人无关》提到 嘅一句得意嘅广东俗语“光棍佬遇着冇皮柴”。 所谓“光棍”或者“光棍佬”其实就系指嗰啲以“行骗”作为职业嘅人。“冇皮柴”又系咩呢？大家想象 下就知嘞：一条“冇皮”嘅“柴”似乜嘢呢？咪又就系好似成碌光脱脱嘅棍噉样啰？！咪即系佢嘅“本质”又 系“光棍”噉样啰？！“冇皮柴”同“光棍”一样咁“滑”，都系呃人嘅骗子。因此，“光棍佬遇着冇皮柴” 系形容啲“骗子”撞着“无赖”嘅情景——大家都彼此彼此，都系一样咁衰；有时重有“互相欺骗”嘅成分， 大家都想喺对方身上攞“着数”、占便宜，并且互有损失…… 听我讲到呢处，重有冇人唔清楚“光棍节”同我哋“岭南人”一啲关系都冇？而同“单身纪念”（１１月 １１号）有关嘅，就系“咖啡妹”同阿Ｒａｉｎ——李彩华／李彩桦嘞： 阿Ｒａｉｎ最近又惹咗啲麻烦嘢，应该系同佢今年“日犯太岁”有关！ …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
今年系大选年，世界各地唔系选总统，就系选议员，总之就系啲交椅要换人嚟坐。于是各种“民调”就会 满天飞嘞——何谓“民调”呢？原来就系“民意调查”嘅简称。不过某个“超级大国”啲交椅要换人嚟坐就唔 使广大嘅民众选嘅，净系佢哋个“小圈子”作状开会，一大班“挡猿”象征式举下手，噉就通过，所以根本唔 需要咩“民意调查”——佢哋想要做啲乜，从来都唔使睇民意，钟意点就点——呢个亦系佢哋称之为“特色” 嘅嘢！ 喺每日报道嗰啲“大选”消息嘅时候，我发觉好多播音员、记者、评论员都会将“调查”错读成“条茶” 嘅。噉点解会噉嘅呢？估计可能佢哋其实并唔了解“调查”系咩回事，所以先至会读错咗。 有见及此，我哋今日就嚟解构下呢个“调查”究竟系点样一回事，点解读“掉茶”先啱，而读成“条茶” 就唔啱呢？ “调”字无论喺广州话，抑或系喺“低级语言”普通话里面都有两个读音——“掉”同“条”。 “调”读“掉”嘅时候，亦即系“徒弔切，音掉，嘯韻”嗰阵，一般就作以下解释： ①调动、安排处置：调职、调换、调兵遣将； ②音乐上配合和谐，听落好听嘅一组音：调子、Ｃ大调； ③语言中字音嘅声调：调号； ④一个地区嘅本地人或居民嘅典型语言习惯：南腔北调、腔调； ⑤意见、观点、主张嘅基本倾向：论调； ⑥计算：调查； ⑦古代赋税嘅一种：汉末、魏、晋有“户调”，唐代有“租庸调”； ⑧人嘅才情风格：格调、才调、雅调； ⑨单个音符或乐音嘅节奏上嘅编列，音乐嘅旋律：曲调、粤曲小调； ⑩…… 因此，以下呢啲词语之中嘅“调”都系读“掉”： 调拨、调动、调防、调虎离山、调集、调令、调派、调遣、调任、调类、调式、调值、调用、调运…… “调”读“条”嘅时候，亦即系“田聊切，音迢，蕭韻”嗰阵，一般作以下解释： ①使配合得均匀、合适：调色、调味； ②使和谐：调解、调停、调理； ③使协调：饮食失调、思觉失调； ④使改变：调节、调整； ⑤挑拨，挑逗，嘲笑：调笑、调戏； ⑥配合得宜：调和、风调雨顺； ⑦…… 因此，以下呢啲词语里面嘅“调”字读“条”： 调幅、调护、调剂、调价、调级、调教、调经、调鼎持衡、调控、调侃、调色板、调料、调酒师、调弄、 调嘴学舌、调频、调情、调试、调谐、调养、调匀、调词架讼…… “调查”应该系“调动”人手、资源去“查证”事实或者数据，因此“调查”应该读作“掉茶”，而唔系 “条茶”。 此外，重有一个“调配”嘅读音系值得一提嘅：佢既可以读作“掉沛”，亦都可以读成“条沛”，噉应该 点分法呢？ 原来，如果想话“调动、分配”劳动力、工具、工作等，就读“掉沛”；但如果系想话“调和、配制”啲 颜料、药物、饮品之类嘅嘢，噉就应该读作“条沛”嘞。 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
呢个月１６号嗰日，曾经系无数八十年代男士心目中嘅“性感女神”，一首《一对旧皮鞋》唱到街知巷闻 嘅刘美君荣升“奶奶”——做咗人哋嘅“家婆”。 当年，佢用佢无敌嘅“骚功”将《午夜情》、《最后一夜》、《公子多情》……演绎得淋漓尽致，亦征服 咗好多男士嘅心，引无数英雄竞折腰。难怪当年佢嚟广州开演唱会，竟然有胆大妄为嘅观众公然喺舞台上抽佢 嘅水——“强吻”刘美君，吓到伊人即时花容失色，当堂大呼“救命”！ 查实，佢廿岁未够，只系得十八——啱够秤，就被著名嘅电影导演黄泰来（其导演作品包括有《缘分》、 《江湖情》、《英雄好汉》、《鬼新娘》、《法内情》、《法中情》、《爱人同志》、《我在黑社会的日子》 以及《摩登如来神掌》、《至尊计状元才》、《魔画情》、《女黑侠黄莺》、《明月照尖东》、《一代枭雄之 三支旗》、《太子传说》、《不扣钮的女孩》、《刀·剑·笑》等）降服，嫁作人妻，并为黄泰来诞下咗一子 一女。 因此，佢虽然未及“知非”，大仔就已经近“而立之年”——要成家立室，亦理所当然。本来此乃喜事， 但系可惜《南方都市报》竟以“４７岁刘美君娶新抱”为标题作报道，实在大煞风景！ 首先，女人最忌人哋讲佢嘅年龄——年龄、三围、体重都系女人嘅“秘密”、“大忌”，唔可以随便提！ 其次，刘美君娶嘅系“心抱”，而唔系“新抱”！曾经喺清代“海幢寺”出过家嘅屈大均喺《廣東新語》 里面记载：“廣州謂新婦曰心抱，謂婦人娠者曰有歡喜……”呢个“新妇”就系指新娘子。但系新娘子过咗门 就唔再系“新”咖啦嘛，始终都会变“老”，冇可能一世都叫佢做“新妇”！加之广东人普遍有“初归心抱， 落地孩儿”嘅观念，好多规矩都要逐一教导。 例如喺邓碧云、张月儿同陈良忠合演嘅《扭纹心抱治家姑》里面，张月儿饰演嘅家婆就有噉样嘅数白榄： “初归心抱就落地孩儿，首先要你遵从我嘅家例。我素来系三点六企，你样样都要依齐！嗱，朝早六点就要起 床，首先要你装香祖先嚟行敬礼；然后煲好茶就去买餸，你返嚟喂猪又喂鸡呀。等候我起身，你倒水入嚟等我 将面洗。虽然工人系有几个唧，但系唔似心抱佢服侍得咁归齐！一到够钟呢，你就立即破柴兼洗米。餐头餸菜 要合我口味，我食斋嗰日，你弭劏鸡呀！如果奶奶系瞓晏觉，你抌骨Ａ痕心要细！呢啲系你日常嘅工作，大概 你都冇问题啦？更重有一层：你最紧要系先生一个仔，如果一年之内你都冇生养呀？就唔该你请返归嘞！并非 奶奶系扭纹，不过为着祖先嘅香灯计唧！你想过，谂过，至入我家门口，弭日后话奶奶咁枨鸡呀！” 虽然呢个家婆系恶咗啲，夸张咗啲，但系由此我哋可以睇出，啱入门嘅媳妇同埋啱啱学行路嘅细露，应该 都要严加管教，免得佢哋有咩行差踏错！家翁（老爷）、家姑（奶奶）都将媳妇视为己出，希望佢孝顺翁姑、 侍奉老公、生儿育女、相夫教子……媳妇有如佢哋心头上一嚿肉，佢哋都对媳妇抱有好高嘅期望。 亦有人话，“心抱”个“心”系“新”嘅音转，而“抱”则系“妇”嘅白读（口语音）。因为“妇”字同 个“浮”字（有读“蒲”）一样，系源自中原古音，将“轻唇音”嗰个“ｆ”读成系“重唇音”嘅“ｐ”或者 系“ｂ”，因而个“妇”字读作“抱”，“浮”字读作“蒲”。后来啲字嘅古读音喺中原消失，啲念旧嘅粤人 就好似有收藏癖嘅玩家，将佢哋珍藏起嚟，虽登不得大雅之堂，亦将其保留喺口语之中，以显示其文化价值嘅 弥足珍贵。 我觉得噉讲法，相当之牵强！岭南百姓钟意点讲法，岂会在乎所谓“中原读音”？况且重要系“古读音” 添！“新婦”两个字又唔系难写，再复杂嘅字民间都有习用，点解广大“岭南人民”多年嚟偏偏系要坚持写成 “心抱”呢？兼且，无论系市井小民，抑或系田间野老，重有草莽英雄……佢哋都唔使读书考试写字，点解都 唔讲“新妇”而叫“心抱”呢？呢啲问题都好有趣，而且十分值得研究！ 重有清代戏曲理论家、诗人李调元（１７３４～１８０３）所撰嘅描写岭南嫁娶之事嘅《南海竹枝詞》为 证：誰家心抱喜筵開，迎得花公結彩來。不識疍歌定誰勝，隔簾催喚打糖梅。 乾隆二十八年（１７６３）李调元殿试中二甲十一名，入翰林院，为庶吉士入庶常馆，后历任吏部考功司 主事兼文选司、翰林院编修、文选司员外郎、广东副考官，为人耿直，不畏权势。乾隆四十年（１７７５）， …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
教师节前夕，约咗啲同学同教我哋最耐嘅班主任一齐食饭。老师钟意食啲清淡啲嘅嘢——正中下怀，旧年 就同佢食斋。埋单嘅时候，佢蛊蛊惑惑，趁住去洗手间嘅时候，偷偷埋咗张单，搞到我哋都好过意唔去。今年 再约佢食斋，拣过去第间——虽然旧年嗰间离老师屋企比较近，但啲服务唔得，明明我提早个几礼拜订咗枱， 点知去到居然就话冇房，要我哋坐大厅，查实系佢哋顾住开会，未整理好间房，就叫我哋师徒坐大厅——今时 今日噉嘅服务，点得咖？所以，食完嗰餐饭之后我哋就冇再去，重要周不时四围唱衰佢哋添！ 今年拣咗南田路嘅“紫竹林”。呢期如果人少啲嘅都会去“紫竹林”，因为一来都几就脚（巴士同地铁都 到得到）；二来价钱唔算得话好贵（冇“生机树”咁贵，算系“大佛寺”咁上下价钱）；三来开始有些少厌倦 “佛世界”嘅氛围；四来喺处识咗靓女“二当家”同“三当家”，我同佢哋都几啱嘴形——大家知啦，我对嗰 啲推动素食嘅人一向都好支持嘎嘛，所以旧年十月曾经写过篇《食素嘅猫儿＠长洲村》。 ９月１号嗰日，本来想试下呢处嘅“松茸焗饭”，但被告知，整呢个饭需时成个钟，最好提前预订，于是 就只好作罢。呢次知道有几多人会出席，再预埋个“最低消费”，沉日出门口之前我就“短信预订”咗个先， 去到房门口亦都见已经落咗单，噉先可以放心得落！ 之所以叫呢个“松茸焗饭”，为因“松茸”矜贵（留意：系“矜贵”，唔系“金贵”！好多捞松唔识呢个 “矜贵”，就写成“金贵”——完全系“低级语言”普通话累事！虽然的确系有“金贵”呢个词，之但系呢个 “金贵”根本完全表达唔到“矜贵”嘅“高贵”特质，反而透露出无穷嘅庸俗），兼有滋阴补肾、化痰理气之 功效，所以点呢个“松茸焗饭”实冇错！ 不过我发觉，“紫竹林”上上下下都会将“松茸”讲成“ｓｕｎｇ１ ｙｕｎｇ４”——噉讲法系错嘅， 有必要提出嚟纠正！ 首先我哋要搞清一样嘢：“松茸”系咩？“松茸”系生长喺松树林里面嘅天然珍稀名贵食用菌，有“菌中 之王”嘅美誉。据传１９４５年８月，广岛原爆之后，唯一留得低嘅植物就只有松茸，目前全世界都冇人能够 人工培植得到。所以好明显，“松茸”嗰个“松”字就系“松树”嘅“松”，应该读“ｃｕｎｇ４”，而唔系 读“ｓｕｎｇ１”！ 再者，“松”字读“ｓｕｎｇ１”嗰阵，繁体应该系“鬆”——“松树”系冇可能会写成“鬆樹”嘅，而 “松鼠”亦都唔会写成“鬆鼠”。而“鬆”嘅解释都系同“緊”正好相反。 因此，“松茸”应该读作“ｃｕｎｇ４ ｙｕｎｇ４”，而唔系读“ｓｕｎｇ１ ｙｕｎｇ４”！ 啲人将“松茸”错误读成“ｓｕｎｇ１ ｙｕｎｇ４”，估计系受“低级语言”普通话嘅不良影响，所以 大家应该不遗余力、排除万难、坚定不移噉“抵制普通话”！ 另外一种可能性就系，有啲人受到一种药用植物“苁蓉”嘅名称影响。但查实“苁蓉”应该写成“蓯蓉” 先啱——个“苁”字同个“蓯”字其实系两个完全冇任何关系嘅字，并唔系一个简体同一个繁体嘅关系！嗰个 “苁”同个“從”字系相通嘅，但“從”只系“蓯”嘅声旁，同个“蓯”字并冇其它关系，所以，将“蓯蓉” 写成“苁蓉”系唔啱嘅！但唔明点解个“苁”字会变咗“蓯”嘅简体——估计好可能又系啲不学无术、对繁体 一知半解嘅人喺处乱点“鸳鸯谱”！嗰啲反对繁体字复兴、要将简体字实行到底嘅仆街系咪应该拉去打靶呢？ 重有，“蓯蓉”应该读作“ｃｕｎｇ１ ｙｕｎｇ４”先啱，读成“ｃｕｎｇ４ ｙｕｎｇ４”又或者系 “ｓｕｎｇ１ ｙｕｎｇ４”都系唔啱嘅——而家你哋明白我哋点解对“低级语言”普通话咁深恶痛绝未呀？ ＰＳ： 本文节选部分刊登于２０１２年９月１３号《南方都市报》Ｂ１５版“白话广州”嘅《正字正音》专栏内。
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
最近嗰个玩谢台湾、差啲同“布拉万”合而为一嘅台风“天秤”，几乎 都玩谢好多人！事关我睇到好多新闻报道同天气预报嘅主持人都叫呢个台风 做“天平”——但其实“天秤”应该读作“天称”，而唔系“天平”！ 个“秤”字有两个读音。第一个，《廣韻》话：“昌孕切，稱去聲。正 斤兩也。”——即系同“称嘢”嗰个“称”字同音，系个动词。第二个，喺 《集韻》里面就话佢系“蚩承切，音偁，蒸韻”——同“称呼”嗰个“称” 字同音。 个“秤”字系“稱”字嘅俗字无疑，所以应该跟返“称”字嘅读法。但 点解会有人将呢个“天秤”读成“天平”嘅呢？ 估计应该系台湾将星座中嘅“天秤座”叫成“天平座”，跟住以讹传讹 传开咗，冇人纠正，于是慢慢就习非成是；某啲“传媒人”自己又唔自觉， 或者系“冇水平”，想当然噉将“天秤座”讲成“天平座”——乱咁跟风， 反而暴露咗自己“学术不严”、“冇水平”…… 查实以前八九十年代啲农贸市场一般都会有“公秤处”——摆定把标准 嘅“公平秤”喺处，防止啲摊贩“呃秤”。点解嗰时啲人又唔会将把“公平 秤”讲成“公平平”，将“公秤处”叫做“公平处”嘅呢？ 唔使审，嗰时嗰啲“岭北蝗虫”重未“肆虐”岭南，个社会都重算有啲 “公平”、“公义”可言！而家呢？唔使“画公仔画出肠”啦系嘛？！ 某人钟意嘅“神仙姐姐”Ｃｒｙｓｔａｌ刘亦菲（如果你重钟意当佢系 “捞妹”，我都冇计嘅，不过我哋一早都知佢系“美帝”）是日“牛一”， 故此刘亦菲成咗今日嘅女主角！祝佢要风／峰／锋／蜂／丰得风／峰／锋／ 蜂／丰，要雨／乳／宇／屿／瑀得雨／乳／宇／屿／瑀，想点就点！ 今年壬辰龙年乃“大水之年”，必定会有好多降水，甚至系暴雨成灾！ 但系今年台风天比往年都嚟得迟，啲风嘅密度亦都唔大，降雨量亦都冇明显 嘅增加。如果再系噉样持续落去，唔排除今年冬天会有一场媲美２００８年 嘅大雪——噉就为之顺应天数嘞！
, , , , , , , , , , , , , , , , , , , , , , , , , , , , , , , , , , , , , , , , , , ,
６月１２号，《南方都市报》Ｂ１１版“正字正音”登咗篇拙作出嚟， 系节选自旧年嗰篇《秀色可餐＠生机树》嘅。 我一睇个题目《咪将希腊变“猎物”》——出事嚹！因为呢个标题唔系 我原来嘅嗰个标题，我原稿嘅题目系《“希腊”唔希望变“猎物”》，暗藏 “希猎”两个字喺里面，正好同文章最尾嗰句相呼应；而且报纸个“咪”字 重要系错嘅添，我从来都唔会噉用；加上，呢个栏目系叫做“正字正音”嘅 ——本身啲字都唔正确，又点可以去“正”人哋啲字、音呢？你估我系嗰啲 “意淫协会”、“越讲越冇瘾”、“粤夜粤愚落”、“好桥假细糖”之类嘅 “狗噏当呼吸”嘅厚颜无耻之徒咩！ 有鉴于此，噉就唯有撰文澄清，以“正”视听——寡人虽不才，但都系 “正字局常委”吖嘛——话之佢系“十几大”！ 个“咪”字有好多读音同用法：猫咪（ｍｉ１）、笑咪咪（ｍｉ１）、 咪咪（ｍｅｉ１）嘴笑、咪（ｍａｉ１）高峰、系咪（ｍａｉ６）噉样啊、 啱咪（ｍａｉ６）攞去使啰…… 以上咁多种读音同用法，你搞唔搞得清楚？如果我哋再将表示“唔好” 嘅“米”（ｍａｉ５）加埋落去“咪”字嗰处，你又会唔会觉得无所适从？ 所以我从来唔会用呢个“咪”字表示“唔好”！最多都只系借用个“米”字 嘅啫——因为啱音吖嘛。 及至三年前，留意到个“弭”字，有两种读法：第一种系母婢切，读作 “美”（ｍｅｉ５）；另外一种则系莫礼切，读“米”（ｍａｉ５）。 个“弭”字本义系“角弓”，一种末端用兽骨嚟做装饰嘅弓，因为呢种 弓并冇“弦”，唔可以“射箭”，纯粹作装饰之用，故此“可以解轡紛”， 即系佢“可以解开缠埋一齐嘅马缰绳”噉解。段玉裁喺《說文解字註》里面 话：“弭可以解紛，故引申之訓止。”噉亦说明咗，“弭”系一种专门用嚟 解开马缰绳纷乱成结扣嘅物件。 个“弭”字，我都研究咗好耐，又查过好多古籍同资料，发现佢动词化 之后就产生第一个意思，“止息”、“中断”，最早喺《詩·小雅·沔水》 出现：心之憂矣，不可弭忘。《毛傳》：“弭，止也。”陳奐嘅《傳疏》： “《周語》：‘至於今未弭。’賈逵注：‘弭，忘也。’是忘亦弭也。” 后来，呢个“弭”字发展产生第二个意思，表示“平息”、“停止”， 例如“弭息”、“弭兵”、“弭戢”、“弭节”等等。然之后，引申为表示 制止，就系今时今日我哋经常讲嘅“唔好”嘞——“弭行住”、“弭嘈”、 “弭搞”、“弭预我”…… 所以我喺《“光棍节”与我哋无关！》嘅原稿里面，“光棍婆教女”嘅 歇后语系“蚀底弭制”，绝对唔系“蚀底咪制”，系唔知边个编辑改错我嘅 ——呢点，大家可以喺《“光棍节”同岭南人无关》嘅原文揾证据。 所以，《咪将希腊变“猎物”》嗰个“咪”字又系搞错咗我嘅！应该系 《弭将希腊变“猎物”》先至啱！若果系都要我改过第个题目，噉我会改成 《弭将希腊当“猎物”》——噉就好似“歌神”许冠杰嗰首《弭当我老衬》 噉嘞。 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
题目个“噍”字最早出现喺２００８年１０月１７号嘅《官洲封岛，屌佢老母！》，当时嘅目的系要揭穿 “岭北蝗虫”赵南先个名同“伪人模范”赵广军个名一样——不怀好意，暗藏杀机！ 呢一个“噍”字系同个“赵”字同音，《說文》话：“噍，［才肖切］，齧也，从口焦聲。”“齧”就系 如今嘅“啮”，意思系“噬”、“咬”、“啃”……等。“噍”字就系“咀嚼”、“用口咬”、“进食”…… 等意思。而“噍类”本来系指可以食嘢嘅动物，后来特指活人。康熙三十九年（１７００），广东高明县知县 钮琇嗰本记述明末清初杂事、可“補正史之闕”嘅笔记小说《觚賸》里面有噉嘅记载：“（尚可喜、耿继茂） 再破廣州，屠戮甚慘，居民幾無噍類。”明《警世通言·旌陽宮鐵樹鎮妖》：“施岑大悟，即舉劍自下剔上， 滿江蛟黨，約有七百餘性命，連根帶蔓，悉無噍類。”《漢書·高帝紀上》里面就话：“項羽為人慓悍禍賊， 嘗攻襄城，襄城無噍類，所過無不殘滅。”唐代初期嘅经学家、文字家、历史学家、儒家学者、著名训诂学者 “颜师古”（孔子嘅得意门生、“七十二贤之首”颜回／颜渊嘅第卅七代嫡传后人，撰有《顏氏家訓》嘅北齐 黄门侍郎“颜之推”个孙，隋朝东宫学士、长安王侍读、俞岷将军、李世民秦王府记室参军“颜思鲁”个仔， 大书法家“颜真卿”个太公）奉当时太子“李承乾”（唐太宗李世民长子）之命注释《漢書》，就引用咗三国 时期曾经担任曹魏“陈郡丞”嘅“如淳”（为《漢書》作过注）嘅话：“無復有活而噍食者也。青州俗呼‘無 孑遺’為‘無噍類’。”其中嘅“孑遺”就系指遭受兵灾等大变故后，多数人死亡而遗留嘅极少数人——即系 所谓“死净种”。不妨试谂下，“孑”本来系指蚊嘅幼虫，亦都含有“单独”、“孤单”之意，譬如话“孑然 一身”，如果唔系“死净种”，点成为“孑遗”？要注意：“死净种”唔系“死剩种”！冇证据显示，“剩” 可以读“静”呢个音，所以唔好“捞思维”上身——“埃及”（哀及）就读成“挨及”，噉你就呜呼哀哉嘞！ 重有啊，嗰啲唔识写“噍”嘅人，弭好似唔识写“僆”字嘅人噉，自作聪明噉喺“靓”字嘅前面加一个“口” 字落去（Ｌ）就当系；唔好加个“口”字喺“赵”字嘅前面（Ｊ）就当系先好啊！ 不妨又谂多小小，如果唔能够“进食”、“用嘴咬”，个口唔识“咀嚼”运动嘅，又点算系“活物”呢？ 所以“噍类”呢个词好正——佢准确而又生动噉诠释咗“活”呢种状态！而“噍香口胶”、“噍烂先好吞啊” ……系我哋经常会听到嘅。以前有个东莞富婆嘅家姐最钟意同我讲：“唔讲冇得笑，唔煮冇得噍。” “噍”，呢个字流传至今，说明我哋“岭南人”历经灾难变迁，依然重系咁坚挺，冇咁容易畀人打败嘅！ 猪如“噍南先”、“噍广军”呢啲噉嘅仆街冚家铲，迟早都会畀我哋消灭嘅！就算我哋肯，个天都唔会放过！ 至于“噍完松”、“噍完唱”嗰啲噉嘅仆街冚家铲，迟早又系畀天收嘅——“亚皆老街到太子最受欢迎”嗰个 “世纪贱男”就系“人版”！ 噉好嘞，解释完呢个“噍”字之后就讲下咩叫“猪乸噍螺壳”。呢一个“猪乸噍螺壳”原来系一句广州话 嘅“歇后语”，而家已经好少听人讲嘞。 事缘上个月初，由本座设计布局嘅一间复式豪宅装修竣工，并通咗三个几月风，基本“冇味”嘞，屋主就 喺“宜移徙”兼且“宜会友”嘅日子回迁，并且搞咗一个派对，邀请咗一大班亲朋好友过去旺下个场。我当然 喺“受邀请”之列，而且我重喺佢哋入屋之前帮佢哋“烧”咗串“大炮仗”，但环保、城管、公安等部门都系 吹我唔胀，更加擝我唔长——因为我根本冇违法吖嘛！哈哈哈！ 屋主外母专程从珠海带埋个女、仔、心抱、孙……同埋自家种无污染嘅新鲜蔬果过嚟，更为我哋炮制美味 佳肴——食到个个停唔到口，大家更加系赞不绝口！ 我哋食紧、玩紧嘅时候，曾同学突然造访。曾同学真系我同学！系装修后期我揾佢嚟帮手拾遗补缺、兼做 埋监工嘅。因为佢做嘢认真，份人又几抵得谂，所得嘅风评都唔错。嗰日佢本来要过ｆａｍｉｌｙ ｄａｙ， 话唔嚟嘅，点知又突然杀到，令我都有啲意外。原来，曾同学系惊住嗰日天气热、人又多，开晒全屋啲风扇、 冷气（要“风生水起”吖嘛），电路会顶唔顺（因为之前冇噉样嘅环境做测试），于是就“顺路”上嚟睇睇。 的确，我哋吉时“烧”完串“大炮仗”，入门第一件事系开风扇，第二件就煲水；点知个煤气炉挞极都唔着， 要揾个“电热水壶”煲住先；最后畀我发现原来系个煤气炉电池“冇电”，马上落街买咗孖大号电池上嚟就搞 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
上个礼拜五，我嗰篇《“汶川”点读》出咗街，于是我就叫周汶锜去买 份报纸返嚟睇睇，事关篇文系节选自嗰篇《卢总教识字：周汶锜》（写呢篇 文嘅目的就系要“讽刺”以“遭殃电视台”为首，揽住本《新华字典》嚟做 人嘅“单一思维型”嘅“捞松”；又顺便“奚落”嗰啲钟意“迷信权威”嘅 “粤语盲毛”）嘅，都叫做同佢有啲关系。 于是Ｋａｔｈｙ出街买咗份报纸返嚟，一路睇，一路赞我如何了得，有 学问。忽然，佢指住一幅漫画问我：“呢幅漫画咩意思？” 我顺住佢嗰只纤纤玉手望过去，只见喺我嗰篇文嘅隔篱就系“老饼”嘅 漫画：《擦鞋有风险》。我一睇个题目，马上就发现咗有问题嘞！ 广东人一般称阿谀奉承、胡乱吹捧嘅“拍马屁”所为叫做“托大脚”。 至于“拍马屁”嘅来由不外乎三种：其一，北方草原地区以盛产马匹著称， 各家各户都起码会养几匹马，平素相遇时，往往都会拍下对方只马嘅屁股， 然后再摸下马膘如何，赞句“好马！好马！”以博取对方嘅欢心。第二种， 蒙古人系“马上得天下”嘅，而元朝好多官员都系武将出身，马往往系一名 将领权力、身分以及地位嘅象征，啲下属对上司最隐蔽嘅奉承就系拍下佢只 马，赞佢只马好，逐渐就将对上司嘅奉承称为“拍马”；由于好多人未见过 马，唔知拍马嘅边一个位置最好，噉就想当然认为马屁股最多肉，拍落去实 冇死嘅，于是乎“拍马”就变成“拍马屁”。重有一种，话擅骑者每每遇到 烈性马，都会去拍拍马屁股，令到只马觉得好舒服嘞，就趁势翻身上马，纵 马而去，就噉驯服咗马匹嘞，噉“拍马屁”自然成咗佢哋嘅“必杀技”。 “托大脚”之意同“拍马屁”差唔多，噉又系点嚟嘅呢？据讲系由今日 茂名嘅茂南地区传出嚟。话说喺明朝嘅时候，茂南有个名叫阿华嘅人，鸡乸 咁大只字都唔识得几个，但讲嘢就好犀利喎，经常用佢嘅油嘴滑舌对住嗰啲 有财有势嘅人吹捧奉迎，以此嚟揾到啲着数。一次，村里面有个财主佬六十 大寿，各家各户都获邀请赴宴，阿华都去咗。席间，阿华向财主祝寿，讲咗 好多恭维嘅说话，但个财主佬都系笑而不语。佢见财主唔出声，就继续落力 吹捧：“睇你天堂饱满，有帝王之相，人哋‘脚踏三星，掌管千兵’，你就 一定系‘脚踏七星，管天下太平’。”财主听见佢噉讲，虽然明知佢系乱噏 吹水嘅，但因为听得舒服，十分受落，就讲嘞：“噉好，你就帮我验证下， 睇下我只脚系唔系‘脚踏七星’啦！”阿华听见佢噉讲，即刻弹起身，托起 财主佬只脚，除鞋、除袜，好仔细噉睇咗一轮，然后就煞有介事噉样讲嘞： “老爷左脚踏三星，右脚踏四星。”此言一出，宾客一片哗然，点知财主佬 打赏咗十两银过佢。后来，啲人将好似阿华噉样阿谀奉承、胡乱吹捧嘅举动 称之为“托大脚”，简称“托”——呢个“托”唔系而家“捞松”讲嘅嗰种 专呃人、揾笨七嘅“托”，唔该搞清楚先！ 广州话有句“歇后语”：“冇耳藤箧——靠托”就系形容嗰啲靠吹捧、 奉迎而获利嘅人。“藤箧”就系用“藤条”、竹篾等制成嘅行李箱，一般都 会有个挽手嘅。如果嗰个挽手烂咗，就无法挽住藤箧出行，只能够将个藤箧 托上膊头先至走得。呢个“冇耳藤箧——靠托”嘅“歇后语”就系噉嚟嘅。 随住西风东渐，而“皮鞋”呢种“来佬货”亦泊岸，啲人就少不免要令 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
《耀舞长安》（原名“乐府藏龙”）４月３０号上画，第一日平均收视２８点，第二集大跃进，平均收视 ３１点，多咗超过１９万观众——我谂，应该系因为有钟嘉欣坐阵兼露“事业线”，又有３４Ｄ“港版瑤瑤” 嘅Ｓｉｎｇ之天使“雪梨”林婉霞扮丑，无线花八千几银倒模订造假牙，要佢做“哨牙芬”，搞笑非常，所以 先咁有睇头！ 不过就有人问，点解《耀舞长安》里面嗰个“昶丽园”会读成“唱丽园”嘅呢？乜唔系“厂丽园”咩？ 个“昶”字睇怕本来就唔系好多人识，如果唔系《外来媳妇本地郎》里面嘅康家第二仔“康祈宗”扮演者 叫做“郭昶”，真系唔知大家几时先至识读呢个“昶”字。但其实“郭昶”早喺１９８６年广东电视台嘅系列 喜剧《万花筒》入面饰演嗰个成日谂缩数、期望终于有日龙穿凤嘅“雄仔”嘅时候，已经为观众熟悉。十几年 后喺《外来媳妇本地郎》饰演“康祈宗”，只不过系《万花筒》嘅“雄仔”嘅延续，并冇咩大嘅突破，但可能 由于《外来媳妇本地郎》有啲“话题性”，加上佢又演得唔错，有“互联网”帮手“传播”，所以多咗人关心 呢个“郭昶”，因此多咗人识得个“昶”字点读——同“工厂”个“厂”字同音。 如果系噉，《耀舞长安》里面嗰个“昶丽园”读成“唱丽园”，岂不是读错？非也非也！人哋不知几啱！ 一般啲人查《广州音字典》或者《广州话正音字典》都会查到“昶”字读“厂”呢个音，意思系白天时间 长。《广州话正音字典》重多个解释：舒畅；通畅。但系其实，《广州音字典》同《广州话正音字典》嘅记录 唔全面，而且有错漏添！ “昶”嘅正确读法其实有两个音：第一，读“厂”；第二，读“唱”。个“昶”字嘅本意系“日长也”， 从日、永，系个会意字，丑两切，音敞养韵。个“昶”字后来通个“畅”字嘅时候，就系丑亮切，音怅漾韵， 即系“唱”噉嘅读音嘞，《文選·嵆康·琴賦》里面有“雅昶唐堯”及“固以和昶而足耽矣”嘅讲法。 “雅昶”亦可写作“雅暢”，就系典雅流畅嘅意思，唐代知名学者李善喺《七略·雅暢第十七》中注曰： “琴道曰：堯暢逸。又曰：達則兼善天下，無不通暢，故謂之暢。”而“固以和昶而足耽矣”嘅意思就系指： （呢种声音）本来就和谐流畅，使人足以沉溺于其中。 “昶丽园”嘅“昶”字并非指日头嘅时间长，而系“通畅”、“舒畅”嘅意思。因此，“昶丽园”就应该 读成“唱丽园”嘞。 “尽信书不如无书”——有时某啲书本入面讲嘅嘢，未必系全面嘅，正确嘅！ 无论“郭昶”喺《外来媳妇本地郎》做“康祈宗”做得有几出色都好，都难掩《外来媳妇本地郎》嘅垃圾 本色——事关几次睇《外来媳妇本地郎》我都瞌眼瞓，瞓着咗！《外来媳妇本地郎》本来系用嚟讽刺岭北蝗虫 本色嘅，点知后来着“禾鞋”行“捞路”，搞到形势“一片大好”，集集见“捞佬”——你哋话有乜办法唔变 大毒草？我都懒得讲呢班“卡啦苏”，唯望佢哋“屎”得早！ 谨将此文献畀而家正喺“ＸＸ园”、秀色可餐嘅“香香公主”！希望佢可以早日离开佢而家所处嘅位置， 到达南方热地，见识开阔咗，自然就要风／峰／锋／蜂／丰得风／峰／锋／蜂／丰，要雨／乳／屿／瑀／宇得 雨／乳／屿／瑀／宇，想点就点啦！
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
沉日系冬至，所谓“冬大过年”，所以沉日有好多铺头都提早收铺。文化公园出便啲电子城两点钟就开始 清场，搞到我白行一趟，想去配个电池盖、换嚿电池都唔得——各位想揾我，又要麻烦啲嘞，事关最近我嗰个 电话长期处于“半开工”状态，揾我可能难过登天！ 亦都因为文化公园出便啲电子城两点钟就收档，搞到人民南路一带沉日下昼异常咁畅顺，冇晒“走鬼”， 就好似年初一二三啲捞松躝晒返乡下噉样，成条路鬼咁干净、鬼咁安静！冇捞松嘅世界真好！ 既然文化公园冇运行，噉就转战陶街、将军东嗰便一带，买完嘢就喺解放路搭车返归嘞。等咗一阵就上咗 一部返过河南嘅“巴士”（唔系“公交车”），搭咗一个站，后门旁边嘅窗边位就有人落车。本来我就系企喺 嗰个位嘅隔篱嘅，不过见到我身后有个小学生，噉就费鬼事同佢争，等佢可以埋去坐。等嗰条僆仔坐定，又挂 好个书包，佢阿爷就同佢讲：“快啲多谢叔叔啦，系佢让个位畀你坐咖。”点知嗰条死僆仔望咗我几眼，就系 唔肯出声，佢阿爷催咗几次，都系噉样。我心谂：冇家教！等阵你就知！ 搭咗一个站，到咗海珠广场，有个阿婆上嚟。于是我就开声嘞：“僆仔起身！”条僆仔望下我，并冇打算 起身噉喎。于是我就睩大双眼大声喝佢：“我叫你起身啊！”嗰条死僆仔终于都开声嘞：“点解喎？”“吖， 我以为你哑嘅添！我叫你起身，让返个位出嚟畀阿婆坐，你起唔起吖？”都重系冇反应。呢个时候，佢阿爷个 仔，即系佢老窦见到势色唔对，就叫个仔起身嘞。嗰条死僆仔重系好唔情愿噉样，坐佢隔篱个四眼仔可能有啲 睇唔过眼，就起身要让个位畀阿婆。点知畀我喝鬼住话唔使：“你条死仔冇啲礼貌，畀个位你坐，连‘唔该’ 都冇句！今日我就要代你阿爷同你老窦教下你点样做人！” 企喺旁边嗰两仔爷听见我噉讲，连随叫条僆仔出嚟，畀个位阿婆坐。部车一过咗海珠桥，三个人就落车， 搭过第架——怕咗我，多过怕米贵！而家啲死僆仔个个都系当“金叵罗”噉养，搞到一个二个好似“生骨大头 菜”噉样！先几日我老窦搭巴士嗰阵，差啲畀个想争上车嘅死僆仔踢亲，成车人都闹到佢仆街，佢阿嫲要除埋 只鞋打佢，先至制止到佢继续行凶，又话佢同佢阿妈一样咁衰！如果啲大人自己系识做人嘅，识教仔嘅，又何 至于此呢？ 沉日系“让座日”，系仆街冚家铲广州屎症苦使咗唔知几多钱先攞到嘅“全国文明城市”虚名之后，倡议 嘅所谓首个“让座日”。嗰个著名“伪志愿者”仆街赵广军带住一班傻閪喺“大元帅府广场”食西北风，同时 有一千六百几个所谓“志愿者”喺“公交车、地铁车厢随车劝导乘客为有需要的乘客让座”。（全广最垃圾嘅 《广州日报》报道） 不过，喺某知名婆乸网站上面，啲大肚婆纷纷投诉：陀住七个月嘅身纪，都冇人让位！梗系啦，而家广州 系“岭北蝗虫”横行，佢哋嘅素质系点，唔使我多讲啦！ 如果你问我会唔会“让座”？我可以毫不犹豫，马上就答你——“唔会！绝对唔会！一定唔会！” 因为我阿爸阿妈自细就教我，搭车见到老人家、大肚婆、残疾人、抱住孲孲仔嘅人，就应该让个位畀佢哋 坐，所以我一见到嗰啲人嘅时候，如果自己有位坐，都会让个位出嚟。以前读小学嗰阵，老师要求我哋每日都 做啲好事，并且用本簿仔记低佢。嗰阵时我就好轻松嘅，因为我每日返学放学都要搭车，所以让位呢啲好事系 经常做嘅，因此实有好事可以记！ 由于我自细就已经有“让位”嘅习惯，噉如果你叫我去“让座”，我又点可能惯呢？ “广州话”里面只有“让位”，而冇“让座”，你叫我“让座”，我系咪睬你都傻？睬你都会生臭狐呢？ 有自己嘅文化都唔去坚持，跟埋嗰啲落后“捞思维”、“低级语言”普通话讲嘢，你哋系咪有病啊？重有啊， 有个成语叫做“退位让贤”，你哋识唔识？有冇人会讲“退座让贤”？你去食饭、饮茶，啲咨客系问你有几多 “位”，定系有几多“座”？
, , , , , , , , , , , , , , , , , , , , , , , , , , , , , , ,
老规矩：未经本人同意，本文不得转载！否则，祸及屋企人，甚至冚家铲就阁下自负！唔好话我冇提醒过 你哋：我啲“好嘅唔灵丑嘅灵”嘅功夫可谓“独步天下”、“举世无双”！唔信邪嘅就即管试下！ 撰写呢篇文章，我都策划咗好耐，花咗我唔少工夫——“工夫”同“功夫”有咩唔同？你哋识唔识得分？ 哈哈！有啲难度咖，不过就第日再讲！ 如果系有睇开“卢总有嘢讲”嘅，应该有印象，我旧年写咗篇《卢总教识字：请勿乱“胜”》，并且登咗 喺今年５月１８号《南方都市报》嘅Ｂ１８版嗰个《正字正音》专栏。所以今年再接再厉，继续要教识字—— 透过“教识字”点化下嗰啲我关心嘅人！ 喺姓名学里面，廿二划系一个非常之唔好嘅数，叫做“秋草逢霜”——秋天嘅草本身已经开始枯黄，重要 再遇上“霜”，噉重唔系“胸”多吉少，“屎”路一条咩？呢个２２划系阳气方至而未定，有凋零萧条之象， 为反复之数，乃两士相争之数，因此又叫“阴阳相胜”——是否读作“音羊伤性”，就请自行判断。 旧年教过“胜”字嘞，今年就教下个“相”。“相”字喺广州话里面有３个读音：ｓｅｕｎｇ１（商）、 ｓｅｕｎｇ２（赏）、ｓｅｕｎｇ３。 “相”字系个会意字，甲骨文嘅写法，左边系一个“木”（代表树），右边系一个“目”（代表眼睛）， 或者上边“目”下边“木”，位置唔固定，但都讲得通。上古先民入树林砍伐树木取材，要用眼仔细察看分辨 树木嘅长短、粗幼、曲直、疏密、质地等。对眼喺树旁，就系借树木隐蔽，防止被野兽袭击，再仔细观察；而 爬上树则可以望得更加远，睇下周围有冇更合适嘅良材。所以“相”字嘅本义就系细看观察，审视、打量。 《说文》话：“相，省視也，从木从目。”——个“省”字读“醒”，有几多人知呢？“省视”就系仔细 察看。金文嘅“相”字同甲骨文“相”字差唔多，不过笔画就粗啲，小篆“相”字同甲骨文嘅形体相类似。噉 可见“相”字的确系一个会意字。喺某啲字典中，“相”字如果查“木部”系查唔到嘅，要“目部”先至查到 ——《说文解字》同《康熙字典》都系噉样。 “相”字嘅本义系“省视”，噉就引申出第一个意思：“相面”——即系同人睇相，通过观察个人嘅外貌 特征，去预测佢嘅富贵贫贱安危。后来透过观察地形环境，就占断出住宅、墓地嘅吉凶，呢个就系“相地术” ——“风水”也。我最出名嗰篇“相面”嘅文章就系《陈茵媺系我嘅理想老婆人选》——登过报咖，虽然系被 盗用！ “相”字喺“相面”中系个“动词”，解作“睇”；如果系做名词嘅话，就指面相、相貌等等。“相术” 喺古代早已有之！《詩經·鄘風·相鼠》：“相鼠有皮，人而無儀；人而無儀，不死何為？相鼠有齒，人而無 止；人而無止，不死何俟？相鼠有體，人而無禮；人而無禮，胡不遄死？”（其中嘅“儀”字通“義”字。） 意思系话，连丑陋、令人厌恶嘅鼠辈都知道“礼义廉耻”，识得守规矩，嗰啲无礼、无止、无仪嘅人，重不如 死鬼咗佢好鸠过！《诗经·鄘风·相鼠》用嚟讽刺嗰啲“岭北蝗虫”认真一流！最啱形容“安徽大盗”嘞！ 喺《韩非子·说林下》里面亦都提到一个“相踶马”嘅故事：伯乐教两个人辨认会踢人嘅马，佢哋一齐去 赵简子嘅马房睇马。其中一个指出会踢人嘅马，佢从后面摸匹马嘅大髀同屁股，点知嗰匹马就系唔踢人，于是 嗰个人就以为自己认错咗。另外一个人就话：“你冇认错到，呢匹马的确会踢人。不过而家佢扭伤咗肩，膝头 又咁肿，点踢人啊？啲会踢人嘅马，都系举起后脚，由前脚负担，佢膝头肿成噉，不能负担身体嘅重量，所以 后脚就唔识举起踢人嘞。你系善于辨认会踢人嘅马，但系你就冇留意肿咗嘅膝头！”呢个古仔就系说明，睇嘢 要全面，重要仔细，否则就好难作出正确嘅判断嘞！ 以上嗰啲“相”字都系读ｓｅｕｎｇ３。而呢个“相”字既然系“用眼观察”，噉就必定会有睇同埋被睇 嘅两个方面——既然存在“双方”，噉就有“互相”嘅意思嘞。比如《左傳·隱公元年》：“不及黃泉無相見 也。”即系唔到死嗰日，“双方”都唔会有“互相”见面嘅机会。呢个“相”字就系读ｓｅｕｎｇ１（商）。 又由于“互相”就必定会有“彼此”，“彼此”之间肯定会有接触，接触得多咗嘞，就会产生交相扶助， 而交相扶助好多时系盲人嘅形象，于是，呢个“相”字亦特指扶助盲人。因此又引申出“帮助”、“扶助”、 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
报纸、电视、电台、网络……最近狂轰滥炸，话咩今日系史上好难得嘅 “光棍节”，好多单身嘅男女都选择喺今日结婚“脱光”——乜啲女嘅都有 “光棍”嘅咩？佢哋条“棍”喺边处啊？重有，“脱光”之后做啲咩噉啊？ “裸跑”？乜畀嘅咩？抑或广州屎症苦为咗庆祝“成功举办‘鸭运’丧事暨 ‘红线女’女士英名尽丧”一周年纪念，特呼吁“Ｌｅｔ’ｓ ｍａｋｅ ｌｏｖｅ ｅｖｅｒｙｗｈｅｒｅ ｉｎ Ｇｕａｎｇｚｈｏｕ！”啊？ 我屌！“光棍节”关我哋岭南人撚事呀？！喺我哋岭南人嘅文化里面， “光棍”根本就唔系“捞松”所讲嗰回事，噉你哋做咩要帮人哋传播啲愚昧 落后嘅“捞文化”啊？ 问“捞松佬”，“光棍”一词点嚟？十之八九都系答唔出嘅！曾经有人 帮佢哋“解围”，话“光棍”系指嗰啲唔健康嘅树枝。因为家族谱系为树， 人丁为枝，如果有枝而冇皮，无力开枝散叶，噉就梗系“光棍”一条啦嘛， 于是就将冇老婆嘅男人称为“光棍”嘞。 系咪觉得有啲牵强噉呢？唔紧要噃，因为“意淫协会”啲“閪人”崇拜 嘅黄志华就作过另外一番嘅“诠释”喎。佢认为，“光棍”应该系源自古语 “旷鳏”。 “旷”字本身有空虚嘅意思，冇老婆嘅成年男子，就称为“旷”；而冇 老公嘅女性就称为“旷女”。 “鳏”字读“关”，喺许慎《說文》中嘅解释系“魚也，从魚眔聲”， 即系话，“鳏”就系一种鱼，但究竟系咩鱼就冇人知道（可能已经绝种）。 明代药学家李时珍认为“鳏”其实系鳡鱼（“鳡”读“感”），呢种鱼唔系 群居嘅，钟意独来独往。 古书《傳》有记载“鳏”系“大魚也”，并且话“無妻曰鰥”。《禮· 王制》就有“老而無妻曰鰥”。东汉末年，刘煕喺《釋名》作进一步解释： “鰥，昆也。昆，明也。愁悒不寐，目恆鰥鰥然也。故其字从魚，魚目恆不 閉者也。”有人据此话，冇老婆嘅男人十分之苦恼，成晚都“两眼鳏鳏然” ——即系好似“眼光光，饮咗猪肉汤”噉。 于是就有咗“鳏旷”呢个词嚟形容嗰啲冇配偶嘅男女，你写成“旷鳏” 都得嘅。可能系因为噉，黄志华就认为“光棍”嘅读音有可能嚟自“旷鳏” 或者“鳏旷”嘅“音转”。 但据我“香港陶杰，广州卢总”嘅考证，“光棍”呢个词指“单身汉” 最早出现喺明朝——明代冯惟敏喺佢嘅杂剧《僧尼共犯》第一折就有“哄俺 弟子都做光棍，一世没箇老婆。” 但“光棍”喺我哋“广州话”里面，根本就唔系指“单身汉”。同样， 喺明代之前，“光棍”都唔系“单身汉”。元代萧德祥（《太和正音譜》作 “萧德潤”，故元剧研究认为系萧德潤）嘅杂剧剧本《杀狗劝夫》（全名为 《贤达妇杀狗劝夫》、《杨氏女杀狗劝夫》、《王修然断杀狗劝夫》）楔子 就有：“却信着这两个光棍，搬坏了俺一家儿也。”喺呢处，“光棍”就系 指嗰啲地痞、流氓。 其实喺我哋嘅文化里面，叫得“棍”嘅，多数都唔慌会系好嘢，例如： …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
最近有齣戏上画，啲宣传攻势就一浪接一浪，几乎日日都见电视有报道。可惜啲票房就唔多听使，并非如 片方希望咁理想——梗系啦，呢齣戏嘅故事性又唔系咁强，女猪脚又唔系话好突出，重要啱啱大紧肚，如果单 靠啲电影特技做卖点，根本就唔够人哋“挥”——人哋嗰齣《白蛇传说》够有做电影特技咯，而且场面亦十分 浩大，一啲都唔输蚀，我系要睇特技嘅，点解唔拣人哋嗰齣《白蛇传说》，而一定要拣你嗰齣先？再加上人哋 嗰齣《白蛇传说》个“女主角黄圣依”唔打得都睇得，重有个“李连杰”，“配角”坐正做“主角”——净系 呢样就已经好有睇头！所以，“电影”呢盘生意唔系咁简单，唔系话你银纸多、演员阵容强大、幕后制作精良 ……就一定会有丰收！故事内容唔吸引，冇乜话题性，发行、宣传唔识排兵布阵嘅话，网罗“影帝”“天后” 坐阵都一样会死——《无间道Ⅲ》就系噉嘞！ 讲到呢处，相信有人已经估到我讲紧嘅，就系《画壁》。最近有人问我《画壁》个“画”点读法？同唔同 《画皮》嗰个“画”？ 之所以问《画壁》而要提到《画皮》，系因为《画壁》嘅导演啱好就系《画皮》嘅陈嘉上；而《画壁》同 《画皮》另外一个共同点就系都出自蒲松龄嘅《聊斋志异》。 两年前我曾经喺《照噉落去，香港电影屎硬！》里面教过“画皮”应该点读法，喺“百度贴吧”之中引起 热议，更有其中某啲不学无术嘅“盲毛”走嚟踩场，最终梗系被我三两下手势打败咗啦！声明一点：我同嗰啲 热议，冇“直接关系”，所有嘅“纷争”可能会同“卢总”嘅“拥趸”（即系“ｆａｎｓ”——我从来都唔会 有“粉丝”，更加之冇可能会有“粉尸”，请勿到处传播“捞思维”！）有关。 喺处首先要屌下“李彦宏”——个“宏”字好多人会读成“洪”，噉呢啲人我谂唔“屎”都冇乜用咖嘞， 因为佢哋好学唔学，学捞松讲嘢，畀捞松话影响、受“捞思维”洗脑而不自知！个“宏”字应该读“弘”—— 不过好多盲毛唔识读个“弘”字，又系“雄羊文化”噉就死得人多嘞！所以我都系话畀你哋知，个“宏”字系 戸萌切、胡肱切，平声——即系“ｗｅｎｇ４”。 今日我并唔想讲“李彦宏”为咗几个“钱”，做到几贱格（例如投靠“磷化二碳”做奴才，收完人钱就乱 搞排名，死口唔认“百度文库”侵害他人版权……），净系想讲“李彦宏”几冇文化！传统上，个“吧”字只 系用嚟放喺句子嘅末尾表语气，而唔会用嚟作译音字；而同呢个“吧”字同音，且会用作译音嘅，系个“巴” 字，所以我哋会见到“巴比伦”、“巴尔扎克”、“巴斯夫”……等；而我哋“广州话”就会有“巴士”以及 “士巴拿”……等等；你唔会见到“吧尔扎克”、“吧斯夫”、“吧比伦”或者“吧士”、“士吧拿”嘎，系 咪？因此，呢个英文“ｂａｒ”应该系“酒巴”，而唔系写作“酒吧”！“李彦宏”条粉肠学人喺“百度”搞 “论坛”ＢＢＳ，而“ｂａｒ”正好系计算机语言嘅函数名，又系指长方形嘅条状、块状物，特指论坛里面嘅 “分区”，所以嗰个“百度贴吧”就系错嘅，应该系“百度贴巴”先啱！由此可见，“李彦宏”几冇文化呢！ （佢嗰个“百度文库”其实都收埋唔少我嘅文章，但就冇畀过稿费我！） 插完“李彦宏”之后，再插下佢旗下嘅“百度贴吧”（重申：应该系“百度贴巴”先啱！）两个分区—— “广东话吧”同埋“粤语吧”。“广东话吧”就唔使多讲嘞，事关根本冇“广东话”呢样嘢！“广东话”呢个 “称谓”只不过系某啲自卑嘅香港人臆造出嚟嘅对“广州话”嘅称呼而已——如果真系有种语言叫“广东话” 嘅话，噉请问“台山话”系唔系“广东话”？“潮州话”系唔系“广东话”？“湛江话”系唔系“广东话”？ “客家话”系唔系“广东话”……以上呢啲语言同“广州话”都有好大差别，但都存在于广东境内多年，可以 讲都已经生晒根嘅，但系又唔可以代表到“广东”；同时所谓嘅“广东话”（实质上系“广州话”）又唔可以 代表佢哋，而使用“广东话”呢个称谓嘅人又唔包揽埋佢哋，因此令到呢个“广东话”名不正又言不顺，所以 “广东话”呢种叫法系不知所谓！因此搞“广东话吧”亦都系不知所谓！更何况搞嗰个“广东话吧”嘅人曾以 “卢总有嘢讲”命名其百度胸间，后来畀人屌过之后就改为“卢主任有嘢讲”，但咁多年嚟，除咗总结过几次 “捞人特征”之外，未见过呢个“卢主任”讲过啲咩有价值嘅嘢出嚟，因此完全可以忽略佢！而个不知所谓嘅 “广东话吧”，照睇都系折鬼埋佢好过啦，费事畀人话你哋“冇文化”吖嘛！而且传播“广东话”呢啲错误嘅 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
未经本人同意，此文不得转载，读者自重，请三思而后行——面斥不雅！想向人推介，或者想其他人学到 嘢，可以派发网址，多谢阁下合作！ 时间好快又嚟到８月２３号——校长牛一！本来好想揾只《年年廿五岁》喺处播下嘅，结果当然系揾唔到 啦！噉就唯有摷返前年嗰篇《又“年年廿五岁”》出嚟顶住档，继续再高唱“年年廿五岁，好风趣，瞓得玩得 通处追；年年廿五岁，发育时期，每天九餐湿湿碎……”，并且继续期待住“左邻右里演唱会”几时可以开得 成！ 噉记得谭校长咯，噉梗系记得我老友“一索”咖啦！最近，一索谂住喺许冠文返嚟广州开佢嗰个“许冠文 ２０１１鬼马狂想ＳＨＯＷ”前，同老友分享下许冠文啲金句，于是揾咗《许冠文２００５鬼马栋笃笑》入面 一啲搞笑得嚟又发人深省嘅金句，叫我帮手正下字，又学下嘢。 噉我梗系当仁不让咖啦！首先，我就要弹下场“骚”个名：许冠文２００５鬼马栋笃笑。“栋笃笑”源于 北美嘅“Ｓｔａｎｄ－ｕｐ Ｃｏｍｅｄｙ”，系一种一个人企喺个舞台上，以讲笑话为主嘅表演形式，类似 我哋嘅“单口相声”。不过“单口相声”以前就系斋讲，间中加啲肢体动作，而且时间唔长。“Ｓｔａｎｄ－ ｕｐ Ｃｏｍｅｄｙ”就会配合埋音乐、声效、灯光……有时重需要道具添，而且时间相对会比较长啲，例如 外国啲“Ｓｔａｎｄ－ｕｐ Ｃｏｍｅｄｙ”一场起码半个钟以上——呢个只系喺一般夜店嘅表演时间，如果 搞到开“ｓｈｏｗ”卖菲嘅，每场个半至两个钟头就肯定走唔甩鸡！ 黄子华喺香港首创开骚“Ｓｔａｎｄ－ｕｐ Ｃｏｍｅｄｙ”，取名为“栋笃笑”，风靡万千观众，好多 人就噉成为咗佢嘅“ｆａｎｓ”——“ｆａｎｓ”应该点译请睇《卢总再教识字：系、係、喺，重有“拥趸” 添！》，千祈唔好学啲北捞叫“粉丝”，否则你就系一条不折不扣嘅“粉尸”！黄子华帮“Ｓｔａｎｄ－ｕｐ Ｃｏｍｅｄｙ”改咗个名“栋笃笑”，好明显就系犯咗一个好多香港人都会犯嘅错误——唔识字就求祈揾个 “同音字”代替咗就算，根本就冇深究，到如今就个个只系识得“栋笃笑”，根本冇人知“栋笃笑”嘅正字系 乜嘢！ 好在呢个世界重有“卢总”噉样有锲而不舍精神嘅人，研究“栋笃笑”应该点写先啱！根据“Ｓｔａｎｄ －ｕｐ Ｃｏｍｅｄｙ”嘅意思同埋表演形式、内容等等，得出“栋笃笑”首先就要“企”喺个舞台上，因此 就要好似“卫鞅”变法之前要立信于天下噉样，喺都城南门“戙”起条三丈长嘅木头，因此嗰个“栋”字应该 就系呢个“戙直”、“戙企水鱼”嘅“戙”嘞。广州话话人哋系“一戙都冇”系出自赌业，嗰啲玩“天九”嘅 人如果喺一次牌局中“一家输三家”，或者最后输干输净，都会畀人话佢“输到一戙都冇”——玩“天九”嘅 时候，每四只牌九叠埋一齐就叫做“一戙”，因此行内又有“过你一戙”嘅讲法，同玩“ｓｈｏｗｈａｎｄ” 嗰阵“切牌”嘅意思系一样，目的就系要挫下庄家嘅锐气，等自己可以时来运转！所以，千祈唔好以为啲赌仔 系“输到一栋都冇”——连“栋”楼都输埋，佢重唔系输干输净？呢啲“想当然”嘅做法应该要戒！研究文化 要从“根本”入手，唔系靠“估”就可以嘅！大家试谂下，古时候嗰啲人有几多个会有“一栋栋楼”？ 而个“笃”字就肯定唔啱嘅，因为个“笃”字嘅本意系“马行迟顿”，同个“ｓｈｏｗ”无关。噉“督” 啱唔啱呢？唔啱，因为“督”系“监察”。噉样就重净返“剢”、“厾”，同埋“尸口／豕”系啱“ｄｕｋ” 呢个音嘅。首先，“剢”字就系“刀锄”，而“厾”就系“用指头、棍棒等轻击轻点”，个“尸口／豕”就系 “尾部、底部”、“尽头”——广州话“打烂沙盆问到笃”其实应该写成“打烂砂盆璺到Ｘ”或者“打烂砂盆 璺到Ｙ”先啱！ ≮〓※★☆{卢总屌那妈}☆★※〓≯ 万恶、变态、废柴、无耻嘅Ｂｌｏｇｃｎ垃圾“ＷｏｒｄＰｒｅｓｓ”系统竟然显示唔到Ｕｎｉｃｏｄｅ 超级大字集啲字！而且搞咗三个几月嘞，都重未解决得到，真系唔屌佢卤味都唔得嘅！正仆街！ 由于显示唔到嗰两个“ｄｕｋ”字，所以只好用“Ｘ”代表“尸”字头下面加个“口”，而“Ｙ”则代表 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
上个礼拜六晚睇咗首届《亚洲网络游戏大奖颁奖典礼》，当中有间香港公司嘅游戏好受欢迎，获得唔少嘅 提名同奖项，实在可喜可贺！呢个网络游戏就系香港漫画界教父——黄玉郎先生嘅得意之作《天子传奇》。 讲真我就唔玩咩网络游戏嘅，因为实在太忙嘞，无暇去玩乐——需要玩游戏嚟放松下嗰阵都系玩蜘蛛纸牌 之类嘅游戏。但眼见啲司仪同颁奖嘉宾多数都读错咗“天子传奇”，觉得好有必要指正下呢个读音问题。 好多时啲人都会嚟问我：“传奇”到底应该点样读至啱？因为坊间通常有两种读法：一种就系读“全其” （ｃｙｕｎ４ｋｅｉ４），另一种就读ｊｙｕｎ６ｋｅｉ４。 基本上大家都知道个“传”字有ｃｙｕｎ４同ｊｙｕｎ６两个读音，但系“传”字重有第三种读法就唔系 太多人知道嘞——ｊｙｕｎ３。 “传”字喺读ｃｙｕｎ４（音“全”）嘅时候有８个意思：①转授，教予，例如传授秘技、传道、传度； ②流传，接续不断，例如传统、留传万世、祖传秘方、传家宝；③传递，运送，例如击鼓传花、传书、传旨； ④散布，俾众周知，例如传播、宣传报道、传言四起、派传单；⑤表达，表露；例如写实传神；⑥因接触或者 其它媒介感染疾病，例如传染、人传动物；⑦以命令召唤某人，例如发出传票、传呼机、传唤、传达；⑧转让 权力，让位，例如传位、传政。 “传”字喺读ｊｙｕｎ６嘅时候有３个意思：①解说、注释、阐述经义嘅文字著作，例如《春秋左传》、 《毛诗故训传》（现存最早、最完整嘅《诗经》注本）、名不见经传；②记录人物生平事迹嘅文字作品，例如 写自传、小传、外传、传记；③以讲述历史、人物故事为中心嘅文学作品：《兴唐传》、《水浒传》、《说岳 全传》、《射鵰英雄传》…… “传”字喺读ｊｙｕｎ３（音“钻”）嘅时候有３个意思：①古代嘅驿站，例如传舍；②旧时官府用四匹 马嚟拉嘅载人嘅车，例如汉朝时有置传（用四匹上等高头大马拉嘅车）、驰传（用四匹中等马拉嘅车）、乘传 （用四匹下等马拉嘅车）之分，《聊斋志异·续黄梁》里面有“或有厮养之儿，瓜葛之亲，出则乘传，风行雷 动。”；③符信，凭证，例如“投传而去。”（《后汉书·陈蕃传》）。 噉究竟“传奇”应该点读先至啱呢？首先我哋要清楚了解“传奇”到底系乜嘢意思。而家一般我哋所讲嘅 “传奇”就系传闻、传说中一啲神奇嘅人或者事——既然话系“传闻、传说中一啲神奇嘅人或者事”，噉当然 就系啲人口耳相传嘅人或者事啦，噉呢个“传”自然就系传闻、传说、传达、传播嗰个“传”嘅意思，因此， “传奇”个“传”就应该读“全”（ｃｙｕｎ４），即系话，“传奇”应该读成“全其”噉先啱！ 噉点解“传奇”会有人将佢读成ｊｙｕｎ６ｋｅｉ４嘅呢？原来，系有人将“传奇”同“传记”捞乱咗！ “传记”系“记录人物生平事迹嘅文字”，读作ｊｙｕｎ６ｇｅｉ３。可能有啲“传记”喺记录某啲人嘅生平 事迹嘅时候，啲文字记录或者表述太过“神奇”，令人觉得匪夷所思；或者有啲“传记”系根据啲“传闻”嚟 记述嘅，搞到啲人唔知信佢好定系唔信佢好；因此有人就将啲“传记”当成系个“传奇”噉样四围传开去—— 于是乎“传奇”（ｃｙｕｎ４ｋｅｉ４）错读成ｊｙｕｎ６ｋｅｉ４，就一啲都唔出奇嘞！ 唔知黄玉郎先生读“传奇”嘅时候，又读得啱唔啱呢？ 祝“借匙”同埋“包智杰”呢两个“老同”都要风／峰／锋／蜂／丰得风／峰／锋／蜂／丰，要雨／乳／ 宇／屿／瑀得雨／乳／宇／屿／瑀，想点就点！ 嚟紧嘅８月１４号系旧历七月十五，嗰日系礼拜日，又系中元节、盂兰盆会（盂兰节）、佛欢喜日、绿色 情人节，好多人唔使返工，最佳嘅消暑节目就系拜神祈福、茹素放生！
, , , , , , , , , , , , , , , , , , , , , , , , , , , , , , , , , , , , , ,
喺我周密嘅部署之下，沉日我喺２００７年１１月１６号写嗰篇《卢总教识字：系、係、喺》经过我精心 改编之后，终于都见报嘞：沉日《南方都市报》Ｂ１８版《正字正音》栏目嘅嗰篇《系、係、喺》。 不过好可惜，编辑唔系将我嘅原稿照登，而系删改咗一啲好重要嘅地方，实在令人扼腕！因此我觉得，我 好有必要将我原来嗰篇稿摆出嚟畀大家睇下，等各位了解我用心良苦嘅地方： 随住“正字运动”嘅不断推进，越来越多人加入广州话同越文化嘅研究、推广、普及嘅行列中，呢个正系 我哋希望见到嘅。不过可惜在好多人经常写错字、乱用字，睇到人啼笑皆非，或者系无所适从，有时甚至可以 用“惨不忍睹”嚟形容！ 喺广州话里面，通常都比较少讲“是”，一般会讲“系”，例如“确系如此”、“我系广州人”…… 有时啲人会写个“係”字－－有冇错呢？如果你通篇都系繁体字嘅话，噉就冇错，否则你就系犯咗“简繁 混用”嘅错误。噉即系话，“係”字乃表示“是”嗰个“系”字嘅繁体。“系”字嘅繁体有几种唔同嘅写法， 以后有机会再同大家详细讲解。 另外一个我哋经常会用到嘅，就系个“喺”字嘞。“喺”字读“系”嘅第二声，表示“在”嘅意思，有时 啲人会用个“响”嚟表示呢个意思。所以，当你见到“我喺广州人”嘅时候，你会有啲乜嘢感觉？“我在广州 人”？咩意思啊？无厘头啰！错啰！唔系重有咩啊？！ 最近，许冠杰喺广州搞“我系香港仔”嘅演唱会。不过就有娱记将“我系香港仔”写成咗“我喺香港仔” 登诸报章——究竟８月６号嗰日，许冠杰喺“广州”搞演唱会，还是喺“香港仔”开演唱会呢？！“香港仔” 除咗系指香港嘅后生仔之外，重可以指香港港岛南区嘅中心地带，嗰处最出名嘅就系“避风塘”。 所以希望大家睇完呢篇文之后，唔好再犯啲噉嘅错误，唔好再周围同人哋讲“我喺广州人”。否则，人哋 真系唔知你想点！记住——阿Ｓａｍ８月６号系喺“广州”开“我系香港仔”演唱会，唔系喺香港港岛南区嘅 “香港仔”开演唱会，买咗菲嗰啲ｆａｎｓ（拥趸）唔好去错！ 早我就已经摈弃“粤文化”、“粤语”呢啲不知所谓嘅嘢！我哋分明系“越人”，或者讲系“百越人”， 做乜要弃“越”而从“粤”呢？！“粤语”呢样嘢更加系无稽！我哋明明系讲“广州话”嘅，做乜要跟啲捞松 讲“粤语”呢？不知所谓！咩叫做“粤语”呢？有“今日”唔讲而讲“今天”、“沉日”叫“昨天”、“上车 嘅乘客请往后门靠拢，请从后门下车”……呢啲咁变态嘅“捞式广州话”，就系“粤语”嘞，噉你哋讲唔讲？ 啲捞松要破坏我哋嘅文化，用“和平演变”嘅“癫覆”手段就系必然嘅，而使用“粤语”就系其中嘅方式之一 ——好似使用吗啡噉，畀一个“过渡时期”你，麻痹你哋，等你哋慢慢适应咗佢，然后佢哋就可以为所欲为！ 我之所以用“越文化”呢个词，就系要提醒各位，要对自己嘅身分重新审视，唔好“人云亦云”——人哋 话你系“汉人”，你就真系当正自己就系“汉人”，你哋有冇怀疑过自己的确系“土生土长”，而唔系“远古 移民”嘅后代呢？ 我哋嘅“岭南文化”之中，“越”系包括咗而家广东、广西整个岭南地区嘅，但系“粤”就将广西剔除， 噉你哋作为“岭南人”——“岭南文化”嘅传承者，你系坚守“越”呢？还是认同“粤”呢？ 因此我觉得编辑将我嗰个“越文化”改成“粤文化”，系大错特错！ 重有，文末我喺“ｆａｎｓ”嘅后面特意加咗个括号，并注明“拥趸”两个字，目的就系要对抗而家铺天 盖地嘅捞松“粉丝”！死人台湾佬文化低落、语音残缺，继将英文“ｓｈｏｗ”音译成“秀”之后，又将英文 “ｆａｎｓ”称为“粉丝”——认真不知所谓！而文化更为愚昧落后嘅内陆捞松，就将台湾呢啲噉嘅垃圾发扬 光大，所以捞松文化就更显低俗！ 近年嚟，岭北蝗虫大举南侵，某啲香港人北上揾食，自降身价、媚俗，为咗迎合啲捞松嘅低级趣味，不惜 …
, , , , , , , , , , , , , , , , , , , , , , , , , , , , , , , , , , , , , ,
文中每一个“”嘅链接都保证你可以得到“”同埋“”，而且各不相同，万勿错过！
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
旧年有篇文见咗报，但系一直都冇喺呢处发表过，趁住今日见报一周年，揾返出嚟同大家共赏，希望各位 不吝赐教，畀多少意见： 某日听到垃圾“有线数字电视”入面啲广告话咩电视点播节目全新改版，“明星汇脆”。真系听到我耳仔 都侧埋——咩明星“汇脆”呢？ 再睇下字幕，原来系“明星荟萃”——好明显系从配音到监制，冇一个人识“荟萃”呢两个字点读。 “荟”字有三个读音：尉（ｗａｉ３）、汇（ｗｕｉ６）、溃（ｋｕｉ２）。读“尉”嘅时候，意思就系 形容草木茂盛，例如翳荟、荟郁、荟蔚等等；读“汇”嘅时候，一般就系用喺“芦荟”呢个词上面；读“溃” 嘅时候，一般就系用喺“荟萃”、“荟集”、“荟蕞”等词上面，表示聚集嘅意思。 而个“萃”字就只有一个读音：穗。喺化学上有种去除杂质嘅方法叫“萃取”（读“睡娶”）。 将个“萃”字错读成“脆”，估计就系受到捞松话嘅影响，唔识读又唔查字典，误人子弟！ 上文刊登于２０１０年６月２９号《南方都市报》Ｂ１１“文化副刊”版嘅“正字正音”专栏内——讲到 “正字正音”呢家嘢，梗系要揾我呢个“正字局常委”啦！嗰啲噉嘅所谓“广州广播电视台”讲嘅嘢，你信佢 一成都可能双目失明！隔篱埠以前嗰个“越讲越冇瘾”嘅节目好多嘢都系胡说八道、乱噏廿四、穿凿附会嘅。 皆因撰稿嘅“意淫协会”嘅某啲“閪人”冇料又扮嘢，有错又死唔肯认，冇啲包容，自然就失道寡助，故此， 如今有料嘅人都唔会喺“意淫协会”个垃圾论坛出现。真系难为有啲盲毛重将佢哋当神噉拜，攞嗰啲垃圾资料 做“教材”——认真系“诲人不倦，毁人不断”！ 最近有齣大鸣大放、全民公认“１８禁”、捞松话叫做“贱挡猥液”嘅“年度大戏”雄霸影坛——乜嘢叫 做“戏霸”呢？呢一齣“贱挡猥液”就系嘞！“贱挡猥液”上画嘅时候，唔准人哋嗰啲“变态金刚”（因为又 “擎天柱”，又“霸天虎”，重有“威震天”……你想唔话佢哋“变态”都难啦）上映，噉重唔系“戏霸”， 系乜嘢？ 有消息指，呢一齣“贱挡猥液”要争取“８亿”嘅票房，所以唔做“戏霸”都唔得。事关旧年年尾到今年 年初嗰齣《让子弹飞》劲收“７亿”，呢齣“贱挡猥液”嘅票房如果超唔过《让子弹飞》嘅话，某啲人会觉得 面上无光。但我又唔知点解，嗰次成大班人一齐睇《让子弹飞》嘅时候，我居然瞓着咗。唔知《让子弹飞》有 啲咩可以令人瞓着嘅，我都好想知道，《让子弹飞》系咪好似江湖传闻噉样，收埋咁多呢个社会啲不可告人嘅 嘢喺里面。如果真系噉嘅话，“广电局”嗰班契弟都几反智噃，居然畀啲咁“开启民智”嘅戏上映，不但大赚 啲人嘅钱，而且令到当局相当之冇面！ 其实，“贱挡猥液”又使乜担心票房呢？某档个个月都要收“会费”嘅（有啲人临死嘅时候都要交埋会费 先断气嘅），一于就喺六七月嗰阵，每个会员交多卅文会费，集体享受“优惠”，去睇“贱挡猥液”就系啦。 以而家嗰个档嘅势力睇，三五千万会员不在话下，一人一票，票房都过十亿啦，重使乜鬼担心喎？再加上嗰啲 而家申请紧“入会”嘅“粉尸”（凭戏菲票尾可以获得加分，“观后感”写得好嘅优先批复申请），相信二卅 亿票房都唔成问题！ 同时，“变态金刚”嘅片商亦毋需激气。事关六月中旬到七月上旬，啲学校都重未放假，好多学生都准备 紧紧张嘅复习考试，根本唔得闲去捧你哋场。你哋都系准备好排兵布阵，等学校一正式放假，你哋先至去攻占 真正暑假黄金档期——“瓷器”又何必同啲“缸瓦”扻呢？ 重有，之所以话全民公认“贱挡猥液”系“１８禁”，可能系因为“中国政法大学法学院副校长”何兵喺 佢哋学院嘅毕业晚会上讲过噉样一段话：“这是一个非常荒诞的时代，这个时代荒诞到什么地步呢？比如说： 鼓励你唱革命歌曲，但是不鼓励革命；鼓励你看《建党伟业》，但是不鼓励你建党。” 闻说“贱挡猥液”对当下社会好有借鉴意义，呢齣电影系教人点样组织唔开工、反对“毒才”、推翻专制 同埋如何“建党”嘅。而呢个社会从来都不乏热血青年，尤其嗰啲十八廿二嘅后生细仔，好容易就会被
， 做出一啲“过激”嘅行为。今日你哋５月４号有半日假，要多得九十二年前嘅后生细仔，冇佢哋，你哋唔会有 …
, , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
嚟到六月廿三号，少不免要讲下同六月廿三号有关嘅嘢。广州同六月二十三号最有关系嘅，就莫过于有条 “六二三路”——１９２５年６月２３号，广东各界人士共计１０万人，为声讨帝国主义喺上海制造“五卅” 惨案，游行去沙面租界示威。点知行到沙基路嘅时候遭到英法军队嘅枪击，６０人死亡、百几人受伤。为纪念 “六·二三”惨案，市政府将沙基路改为“六二三路”。 沙面原本系珠江中一个名为“中流沙”嘅小岛，后来因为江岸线南移，就同珠江北岸由浅水区连成一片。 １８５９年７月，两广总督黄宗汉同意英法联军开挖一条涌，将沙面筑成四面环水嘅小岛，作为英、法租界。 随后涌嘅北岸沿线开筑沙基，将沙基以北嘅浅水区围筑成陆地，喺东西两便各搭建一座桥嚟连通岛内同沙基。 嗰条涌就叫做“沙基涌”，“沙基涌”北岸因而得名“沙基路”。 沙基路往阵时系黄沙粤汉铁路总站（即系往时嘅“南站”）同广州城嘅主要通道之一，清末民初，嗰一带 就有学堂、医馆、印务所、米铺……等，十分繁华。 由于靠近珠江白鹅潭，晚上就有好多人走嚟沙基路一带唞凉。于是好多人晚黑就走嚟呢处卖生果、小食， 或者摆象棋残局揾食，重有人摆档睇相、算命添。 只见一个个“高人”成尊佛噉坐喺各自张枱前面，枱上面放住几本书、文房四宝同一盏火水灯。“高人” 经常口中念念有词——全部都系一啲睇相算命嘅口诀，见到有人行过就话“相不睇不发，姜不磨不辣，坐落嚟 等我赠你几句，唔灵唔收钱”。啲人一坐低，佢哋就会提醒来者“相金先惠，格外留神”，如果见到对方面露 不悦，就会立即转舦：“分文不受，赠看左掌——畀只左手嚟睇下先。” 有啲人去睇相算命，就唔系真系想知自己嘅吉凶祸福，而系想试下啲“算命先生”有几多斤两。好似民国 五年（１９１６年），广西军阀陆荣廷任广东督军，后来兼任两广巡阅使，权倾一时。有晚，陆荣廷想玩嘢， 于是就乔装打扮一番，扮到好似个穷人噉，走过去“城隍庙”附近揾啲睇相佬，谂住消遣下人哋噃。点知遇着 个高手，一眼就睇穿佢嘅真面目同埋目的，于是就撚化咗佢一轮，重要踩到佢好似地底泥噉，临尾重要醒咗句 “唔衰攞嚟衰”过佢。陆荣廷返到督军府，好激气，发晒脾四噉，话要教训下嗰个算命先生。佢啲手下知道咗 之后，暗中通知个算命佬，叫佢远走高飞。过冇耐，陆荣廷失势，最后重客死异乡添。于是，啲人就将陆荣廷 睇相呢件事整咗句歇后语“陆荣廷睇相——唔衰攞嚟衰。”形容啲自找麻烦、自讨苦吃嘅人，或者系将啲好事 搞到变成坏事嘅情况。不过我就唔系好明，点解曾经会将“陆荣廷”讹称为“陆云廷”嘅？“荣”字同“云” 字个音相差好远嘎嘛！ 有啲人去沙基路睇相其实系想占便宜，根本唔想畀钱。啲掌相大师个个都系“高人”嚟嘎嘛，三两句说话 就知你龙与凤。如果知你想混吉，佢哋就会举起盏火水灯系噉意照下你，然后噏几句一般人唔容易明嘅说话， 跟住对围观嘅人叫声“第位”就打发你走。于是就衍生出一句广州特有嘅歇后语：沙基睇相——第位。 而家现实中有啲人又系噉样，佢哋走嚟揾我睇相算命，唔系真系想知自己嘅吉凶祸福，而系想食免费餐， 好嘅就听，唔好就话你呢样嗰样。对于呢种人我哋都要好似当年沙基路啲前辈噉，敷衍佢几句，然后同佢讲： “第位。”另外有啲人，讲极话极佢都唔肯听我哋支笛嘅，对于呢种人，同样都系同佢讲嗰句“第位。”—— 无谓将啲时间同精力浪费喺嗰啲冥顽不灵嘅人身上！呢个世界上重有好多合适嘅听众，好多人需要我哋打救！
, , , , , , , , , , , , , , , , , , , , , , , , , , , , , , , , , , , ,
今日“卢总教识字”嘅灵感，来自一个广州本土嘅舵地妹——当然系一个靓女啦！ 成日上嚟“卢总有嘢讲”踩场嘅人应该知道，好多时卢总啲文章里面都有靓女相，而且个个都如花似玉、 样靓兼身材正。不过就有人投诉，个个靓女都系外便嘅，唔系嘎妹就系韩妹，唔系鬼婆就系港女……基本上冇 乜本土嘅出品，莫非广州冇靓女？ 非也非也！其实广州都有好多靓女，喺我哋岭南大地上面都孕育咗唔少嘅靓女，只不过有啲系“养在深闺 无人识”，又或者系时机重未到，卢总重未介绍到噉解！各位稍安毋躁，未来一定会有更多靓女现身，而且重 系本土嘅！ 至于点解要喺处摆咁多靓女——好简单，食色性也！系人都钟意睇靓嘢，靓女尤甚！对住啲咁赏心悦目嘅 靓人美景，你系咪会更加之入脑？你系咪会多啲嚟踩场？所以，你哋千祈唔好话我卢总“咸湿”——皆因卢总 点讲都唔及你阿爸佢咁“咸湿”——如果当年你阿爸唔“咸湿”你阿妈嘅话，点会有你？点得嚟你今日话人哋 “咸湿”？最起码我卢总重未“咸湿”到搞出人命，噉就可以知道我“咸湿”极都有限！ 好嘞，言归正传，讲返个“舵地妹”点样畀到灵感我——“陀地”噉写法系唔啱嘅，应该写“舵地”！ 首先，整呢个广州本土嘅“舵地妹”张相畀大家睇下——系咪都几饮得杯落噉样呢？ 话说今日呢个广州本土嘅“舵地妹”叫“吖Ｖｉｎ”——“吖Ｖｉｎ”？点读法呢？ “吖”读ａａ１，同“丫”、“鸦”嘅音
